ЯҢАЛЫКЛАР
Шушы көннәрдә Яр Чаллы “Асылташ” балигъ булмаганнар өчен социаль тернәкләндерү үзәге карамагындагы балалар 57 нче политехник көллияттә укучы яшьләр белән очрашканнар. Бу көнне иҗади чара уздырылган.
Халыкны эш белән тәэмин итү үзәге белгечләре Лаеш районы прокуратурасы йөкләмәсе буенча «Йолдыз» ҖЧҖдә хезмәт законнары үтәлешен тикшерүдә катнаштылар.
Мәдәният елына багышланган чаралар уздыру кысаларында Чистайның “Салават күпере” халыкка социаль хезмәт күрсәтү үзәге карамагында булган гаиләләрдә тәрбияләнүче балигъ булмаган балалар туган як музеена хәйрия экскурсиясенә барганнар.
Арчаның “Исток Надежды” мөмкинлекләре чикле балалар һәм яшүсмерләр өчен тернәкләндерү үзәгендә мөмкинлекләре чикле балаларга киләчәктә һөнәр сайларга ярдәм итүгә зур игътибар бирәләр. Шушы көннәрдә алар өчен Арчаның кирпеч заводына экскурсия оештырылган. Балалар чимал хәленнән алып кирпечне мичтән чыгу вакытына кадәр күзәтеп торганнар.
Алабуга өлкәннәр һәм инвалидлар өчен интернат-йорт каршында эшләп килүче “Алтын яшь” доброволецлар отряды волонтерлары йортсыз хайваннар өчен приюттан яхшы кәеф белән әйләнеп кайтканнар. Бу приют Алабуга шәһәре кырыенда урнашкан. Биредә 150 эт яши. Волонтерлар монда аларны карарга гына түгел, ә ояларны, территорияне дә җыештырырга, ояларны җылытырга ярдәм итәргә дип килгәннәр.