ЯҢАЛЫКЛАР

Бүген Норлат “Гармония” халыкны социаль тәэмин итү компекслы үзәгендә Түбән Кама наркотиклар әйләнешен контрольдә тоту федераль хезмәте идарәсенең баш белгече Гөлнара Хәбибуллина булып кайтты. Белгечнең үзәккә килүенең төп максаты  халык арасында алкоголь һәм наркотиклардан бәйлелекне профилактикалау буенча үзәкнең алып барган эшчәнлеген тикшерү тора.

Түбән Каманың “Веста” гаиләгә һәм балаларга  социаль  ярдәм  күрсәтү үзәге белгечләре социаль ярдәмгә мохтаҗ гаиләләр өчен Халыкара гаилә көненә багышланган чаралар циклы оештырды.

Алексеевск районының  “Забота” балалар һәм яшүсмерләр өчен социаль приютында Халыкара балалар ышаныч телефоны көне уңаеннан рәсемнәр конкурсы үткәрделәр.

Азнакайның “Өмет” халыкка социаль хезмәт күрсәтү комплекслы үзәгендә Халыкара гаилә көненә багышланган “Школа осознанного родительства” программасы кысаларында төркемле дәрес үтте.

Менделеевскның “Камские зори” балалар һәм яшүсмерләр социаль приютында Халыкара балалар ышаныч телефоны көне алдыннан тәрбияләнүчеләрнең ата-аналары һәм  туганнары белән очрашу узды. Приют белгече һәрбер катнашучыга ата-аналар белән балалар арасында булган мөнәсәбәтләрне җайлау турында мәгълүмат бирде.

Бүген Түбән Кама “Балкыш” балалар һәм яшүсмерләр социаль приюты белгечләре олы буын өчен профессиональ ориентацияга багышланган “Һөнәрләр фестивале” викторинасы уздырды. Чара укучыларның киләчәк һөнәрләрен сайлаганда төптән уйлап эш итүләренә юнәлдерелгән.

Шушы көннәрдә Зәйнең “Радость” халыкка социаль ярдәм күрсәтү үзәге белгечләре ведомствоара социаль яклау һәм ведомствода учётта торучы 24 гаилә өчен бер көнлек максатлы заезд оештырды.

Халыкара гаилә көнен билгеләү кысаларында Республиканың мәгълүмати-методик үзәге белгечләре гаилә бәйрәме үткәрде. Республиканың 4 районыннан 26 гаилә өчен “Татарский страус” дигән тәвә кошлары  фермасына экскурсия оештырылды.