ЯҢАЛЫКЛАР

Шушы көннәрдә Татарстан Республикасы башкарма хакимият органнары җитәкчеләренә һәм муниципаль берәмлекләр башлыкларына белем бирү “Эффективное управление: Стратегия. Действия. Результат” программасы ачылу кысаларында, Бөек Ватан сугышында Җиңүнең 70 еллыгы уңаеннан, ТР муниципаль районнары, шәһәр округларының иң яхшы бәйрәмчә бизәлеше буенча үткән Республика конкурсында җиңүчеләр бүләкләнде.

Алабуганың өлкәннәр һәм инвалидлар өчен интернат-йорты волонтерлары  ике яңа аллея утыртты һәм экологик акция үткәрде.

Шушы көннәрдә Яр Чаллының «Изгелек» инвалидларны тернәкләндерү үзәге хезмәткәрләре һәм реабилитантлары “Кичке музей” дигән халыкара акциядә катнаштылар.

Шушы көннәрдә Казан шәһәре “Юность” мәдәният йортында “Все вместе” хәйрия фонды тарафыннан оештырылган “Подари улыбку детям” хәйрия концерты узды. Бәйрәмгә Казанның халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге карамагындагы гаиләләр чакырылды.

Бөгелмәнең “Радуга” халыкка социаль хезмәт күрсәтү үзәгенең гаилә һәм балаларга социаль ярдәм бүлеге психологлары  яшүсмерләр арасында кабат хокук бозуларны профилактикалауга юнәлдерелгән социаль-психологик комплекслы дәресләр үткәрүне дәвам итәләр.

Казанның халыкка социаль хезмәт күрсәтү комплекслы үзәге белгечләре Республика мәгълүмати-методик үзәгенең социаль хезмәт күрсәтү сферасы хезмәткәрләре белән берлектә Халыкара гаилә көне уңаеннан, социаль яклауга мохтаҗ гаиләләр өчен “Кольцо” сәүдә үзәгендә бәйрәм чарасы үткәрде.

Шушы көннәрдә Кукмараның “Тылсым” халыкны социаль тәэмин итү комплекслы үзәгенең социаль  эшләр белгече һәм социаль педагогы “Җаваплы ата-аналык мәктәбе”  программасы кысаларында ведомствоара учётта торучы ата-аналар белән чара үткәрде.

Иртәгә 60 тан артык Бөек Ватан сугышы ветераны Казан-Мәскәү-Казан маршруты буенча елга сәяхәтенә чыга. Сәяхәт Идел елгасы буйлап 3 палубалы уңайлы суднода 10 көн дәвам итәчәк.

Конкурс Татарстанның хезмәт базарында киеренкелекне киметүгә юнәлдерелгән чаралар кысаларында уза

20 майда  Казан шәһәре халыкны эш белән тәэмин итү хезмәте Федераль антимонополь хезмәт уку-методик үзәге бинасында вакансияләр ярминкәсе оештыра.