ЯҢАЛЫКЛАР
«Демография» милли проектының «Өлкән буын» федераль проекты кысаларында Кайбыч районында авыл җирлегендә яшәүче 65 яшьтән өлкәнрәк кешеләрне медицина оешмасына китерү дәвам итә. Район хастаханәсендә өлкән яшьтәге гражданнарга медицина, скрининг тикшерүләре, диспансерлаштыру һәм профилактик медицина тикшерүләре үткәрелә.
Әлмәт муниципаль районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Көзге каникуллар» профилактик чарасы кысаларында балигъ булмаган социаль хезмәт алучылар һәм аларның ата-аналары белән «Без юл йөрү кагыйдәләрен үтибез» дигән профилактик чара уздырдылар.
Кайнар элемтә 19 октябрьдән 3 ноябрьгә кадәр эшләячәк.
Юл хәрәкәте куркынычсызлыгын арттыру чараларын гамәлгә ашыру кысаларында 1 ноябрьдә Менделеевск муниципаль районындагы «Өмет яры» халыкка социаль хезмәт күрсәтү комплекслы үзәгендә «Юл йөрү кагыйдәләрен бел һәм сакла» дигән чара узды. Аны «Юл хәрәкәте иминлеге» дәүләт бюджет учреждениесенең профилактика бүлеге начальнигы Мәликә Халикулова белән берлектә үткәрделәр.
Тәрбияче Алексей Шатков җитәкчелегендә Алексеевск районы «Кайгырту» балалар һәм яшүсмерләр өчен социаль приютының мәктәп яшендәге тәрбияләнүчеләре спорт объектлары буенча экскурсиядә булдылар. Чара балаларның спорт корылмалары, спортның төрле төрләре һәм һөнәрләре, авылның спорт тормышы турында күзаллауларын киңәйтүгә юнәлдерелгән иде.
«Фитнес Плюс. Перезагрузка» программасы кысаларында Муса Җәлил исемендәге Минзәлә педагогика көллияте базасында «Күңелле эстафеталар» дип аталган спорт чарасы узды. Ул «Татнефть» хәйрия фондының грант акчасына оештырылды.
Тиздән, 4 ноябрьдә, Мәскәүдә ВДНХ территориясендә «Россия» Халыкара күргәзмә-форумы ачылачак. Бу масштаблы чара, анда илнең барлык субъектлары, федераль министрлыклар һәм ведомстволар, эре корпорацияләр һәм иҗтимагый оешмалар катнашачак.
Психик тайпылышлары булган гражданнар өчен билгеләнгән Яшел Үзән интернат-йортының «Илһам» хореография коллективы Inclusive Dance XI Халыкара хәйрия бию фестивалендә катнашты. Чара Мәскәүдә узды.
Бүген Казанның «Апрель» мөмкинлекләре чикле балалар һәм яшүсмерләр өчен тернәкләндерү үзәгендә V Иртә ярдәм турында хәбәрдарлык атнасына йомгак ясадылар. 23–29 октябрьдә учреждениедә түгәрәк өстәлләр, белгечләр өчен мастер-класслар, ата-аналар өчен вебинарлар узды. Белгечләр көн саен әти-әниләренең сорауларына җавап бирделәр.
Лениногорск районының «Исток–Башлангыч» социаль хезмәт күрсәтү комплекслы үзәгендә «Карау һәм тернәкләндерү мәктәбе» технологиясен тормышка ашыру кысаларында «Аз хәрәкәтләнүче гражданнарның ашау процессын җиңеләйтү һәм тернәкләндерүнең техник чаралары» дигән темага социаль-тернәкләндерү чарасы узды. Аны социаль эш буенча белгеч Виктория Гобәйдуллина үткәрде.