«Апрель» үзәгендә V Иртә ярдәм турында хәбәрдарлык атнасына йомгак ясалды
Бүген Казанның «Апрель» мөмкинлекләре чикле балалар һәм яшүсмерләр өчен тернәкләндерү үзәгендә V Иртә ярдәм турында хәбәрдарлык атнасына йомгак ясадылар. 23–29 октябрьдә учреждениедә түгәрәк өстәлләр, белгечләр өчен мастер-класслар, ата-аналар өчен вебинарлар узды. Белгечләр көн саен әти-әниләренең сорауларына җавап бирделәр.
Чаралар циклы ахырында ашау тәртибе буенча белгеч Тамара Павлова ата-аналар белән «Кечкенә яшьтәге балаларда ашау тәртибен формалашу үзенчәлекләре. Иртә ярдәм буенча тренинг» темасына түгәрәк өстәл үткәрде.
Иртә ярдәм турында хәбәрдарлык атналыгы «Звезда» Хәйрия фонды инициативасы белән, «Менталь сәламәтлек» иҗтимагый проекты, Татарстан Республикасы Хезмәт, халыкны эш белән тәэмин итү һәм социаль яклау министрлыгы, Иртә ярдәмне үстерү буенча һөнәри берләшмә һәм ата-аналар оешмалары ассоциациясе, Санкт-Петербург шәһәре Иртә катнашу институты, «Дәвалау педагогикасы үзәге» региональ хәйрия оешмасы, Г.А. Альбрехт исемендәге Инвалидларны тернәкләндерү федераль фәнни үзәге ярдәме белән оештырылды