ЯҢАЛЫКЛАР

Бүген Татарстан Республикасы делегациясе вәкилләре Татарстан предприятиеләре өчен кадрлар әзерләү, республиканың мәгариф учреждениеләре потенциалы белән танышу, шулай ук хезмәт миграциясе мәсьәләләре буенча фикер алыштылар. Очрашуда ТР хезмәт министры Эльмира Зарипова, ТР мәгариф һәм фән министры Илсур Һадиуллин, Татарстан предприятиеләре вәкилләре, Үзбәкстанның югары белем, фән һәм инновацияләр министры урынбасары Шахрух Далиев, Үзбәкстанның Тышкы хезмәт миграциясе агентлыгы директоры Жахонгир Хидайходжайев һәм башкалар катнашты.

Сәмәркандта «КАМАЗ» ГАҖ өчен булачак хезмәткәрләрне укытырга әзерләр. Бу хакта Үзбәкстанда узган ТР хезмәт министры Эльмира Зарипова һәм ТР мәгариф һәм фән министры җитәкчелегендәге Татарстан делегациясенең урта махсус уку йортлары һәм өстәмә белем бирү учреждениеләре директорлары белән очрашуында Ishga marhamat моноүзәге директорының беренче урынбасары Джасур Садуллаев сөйләде.

Теләче районында «Чишмә» халыкка социаль хезмәт күрсәтү комплекслы үзәге социаль педагогы Фәния Гайнетдинова һәм «Юл хәрәкәте иминлеге» дәүләт бюджет учреждениесенең Саба бүлекчәсе башлыгы Гүзәл Ягафарова танып-белү чарасы үткәрделәр. Велосипедта йөргәндә юл хәрәкәте кагыйдәләре турында сөйләштеләр, юл билгеләре турында белемнәрен ныгыттылар.

4 июльдә, Гаилә, мәхәббәт һәм тугрылык көне алдыннан, Югары Ослан муниципаль районының «Өмет утравы» халыкка социаль хезмәт күрсәтү комплекслы үзәге базасында оештырылган «Төрле төстәге дөнья» клубы катнашучылары Печище авыл китапханәсендә булдылар.

«Социаль туризм» программасы кысаларында һәм Гаилә, мәхәббәт һәм тугрылык көне алдыннан Чистайның «Юлдаш» өлкәннәр һәм инвалидлар өчен интернат-йортында яшәүче гаилә парлары яшь инвалидлар, белгечләр Марина Чапалова һәм Ирина Баранова белән бергә, урман-парк зонасында булдылар.

4 июльдә Яр Чаллы шәһәренең «Изгелек» инвалидларны тернәкләндерү үзәгендә Гаилә, мәхәббәт һәм тугрылык көненә багышланган мастер-класс узды. 

4 июльдә Лениногорск районының «Исток–Башлангыч» халыкка социаль хезмәт күрсәтү комплекслы үзәге социаль педагогы Оксана Лямова «Куркырга кирәкми, белергә кирәк» дигән профилактик сәгать үткәрде. Анда социаль хезмәтләр алучы өлкәннәр катнашты.

Татарстан Республикасы эш бирүчеләре «Россиядә эш» хезмәт мөнәсәбәтләре һәм мәшгульлек өлкәсендә бердәм цифрлы платформасында 61 230 вакансия тәкъдим итә.

Алабуганың өлкәннәр һәм инвалидлар өчен интернат-йортында «Лепные фантазии» дигән яңа технологияне кертәләр. Аның максаты – пластилин, балчык белән әвәләп ясау ярдәмендә социаль хезмәтләр алучыларның иҗади потенциалын үстерү.

Буа районы «Гармония» халыкка социаль хезмәт күрсәтү комплекслы үзәгенең өй бүлекчәсе белгече актив озын гомерлелек принципларын һәм велотренажер кулланып үткәрелә торган технологияне гамәлгә ашыру кысаларында социаль хезмәтләр алучылар белән индивидуаль дәвалау-профилактика дәресләре үткәрә. Аларның максаты – өлкән яшьтәге кешеләрнең сәламәтлеген ныгыту.