ЯҢАЛЫКЛАР
Бүген, 13 февральдә, Яр Чаллы шәһәренә эш визиты белән Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова килде.
Бүген Татарстан Республикасы Министрлар Кабинетында «Татарстан Республикасында «Демография» милли проектын гамәлгә ашыру һәм Гаилә елын үткәрү планнары турында» дигән темага брифинг уза.
Лениногорск районының «Исток–Башлангыч» халыкка социаль хезмәт күрсәтү комплекслы үзәгендә «Демография» милли проектының «Өлкән буын» федераль проектын гамәлгә ашыру дәвам итә. 9 гыйнвардан авыл җирлегендә яшәүче 65 яшьтән өлкәнрәк кешеләрне диспансерлаштыру һәм скрининглар узу өчен медицина учреждениеләренә китерү яңадан башланды.
«Чишмә» халыкка социаль хезмәт күрсәтү комплекслы үзәге базасында Теләче районы үзәк хастаханәсе белән берлектә 65 яшьтән өлкәнрәк авыл халкын медицина учреждениеләренә китерү эше дәвам итә.
5 февральдә Казанның халыкны эш белән тәэмин итү үзәгенең Мәскәү һәм Киров районнары идарәсендә түгәрәк өстәл узды. Чарада күпбалалы ата-аналар, ялгыз ата-аналар һәм эшсез гражданнар буларак теркәлгән МХО катнашучыларының гаилә әгъзалары катнашты.
Соңгы 10 елда Татарстанда күпбалалы гаиләләр саны ике тапкыр арткан. Бүген республикада өч һәм аннан да күбрәк бала тәрбияләүче 50 200 гаилә яши. «Бу безне бик сөендерә, чөнки ил – ул гаилә, ә гаилә – ул мәхәббәт, балалар, үзара аңлашу һәм ярдәм», – дип сөйләде журналистлар белән әңгәмәдә ТР хезмәт, халыкны эш белән тәэмин итү һәм социаль яклау министры Эльмира Зарипова.
1 февральдә Лениногорск муниципаль районында «Исток–Башлангыч» халыкка социаль хезмәт күрсәтү комплекслы үзәге хезмәт коллективы җыелышы булып узды. Чарада 2023 елда учреждение эшенә йомгак ясалды һәм агымдагы елга бурычлар билгеләнде.
«Өлкән буын» федераль проекты кысаларында көн саен «Тәтеш балкышы» халыкка социаль хезмәт күрсәтү комплекслы үзәгенең махсус автотранспорты белән 65 яшьтән өлкәнрәк авыл кешеләрен үзәк район хастаханәсенә алып баралар. 2024 елда чаралар белән 850 кешене колачлау планлаштырыла.
Әлмәт шәһәренең «Ветеран» инвалидларны тернәкләндерү үзәгендә «Демография» илкүләм проекты кысаларында «Адымнан адымга» тернәкләндерү дәресләре программасы уңышлы тормышка ашырыла. Технология – җитди авырулардан соң гражданнарны торгызуга һәм югалтылган көнкүреш, акыл һәм физик күнекмәләрне үстерүгә юнәлдерелгән дәресләр циклы.
уа районының «Гармония» халыкка социаль хезмәт күрсәтү комплекслы үзәге «Демография» милли проектының «Өлкән буын» проекты кысаларында авыл җирлегендә яшәүче 65 яшьтән өлкәнрәк гражданнарны диспансерлаштыру һәм профилактик медицина тикшерүләре, вакциналаштыру, планлы госпитализацияләү, диспансер күзәтүе һәм башка медицина ярдәме күрсәтү өчен район үзәк хастаханәсенә китерүне дәвам итә.