Теләче районындагы медицина учреждениесенә меңнән артык өлкән яшьтәге авыл кешесен китерергә планлаштыралар

2024 елның 12 феврале, дүшәмбе

«Чишмә» халыкка социаль хезмәт күрсәтү комплекслы үзәге базасында Теләче районы үзәк хастаханәсе белән берлектә 65 яшьтән өлкәнрәк авыл халкын медицина учреждениеләренә китерү эше дәвам итә.

2024 елда чаралар белән 1 100 кешене колачлау планлаштырыла, шул исәптән диспансерлаштыру узу өчен 420 өлкән кешене. Бүгенге көндә медицина учреждениеләренә 125 граждан китерелгән.

Вакытында диспансерлаштыру һәм профилактик медицина тикшерүләре авыруларны вакытында ачыкларга һәм аларны дәвалый башларга мөмкинлек бирә. Бу өлкән яшьтәге гражданнарның гомер озынлыгын һәм актив озын гомерлелек чорын арттыру өчен шартлар тудыра.

«Демография» милли проекты ярдәмендә ерак авыл җирлекләрендә яшәүче өлкән буын сыйфатлы медицина ярдәме ала ала.