Лениногорск районында өлкән яшьтәге авыл кешеләрен медицина учреждениеләренә китерү дәвам итә

2024 елның 12 феврале, дүшәмбе

Лениногорск районының «Исток–Башлангыч» халыкка социаль хезмәт күрсәтү комплекслы үзәгендә «Демография» милли проектының «Өлкән буын» федераль проектын гамәлгә ашыру дәвам итә. 9 гыйнвардан авыл җирлегендә яшәүче 65 яшьтән өлкәнрәк кешеләрне диспансерлаштыру һәм скрининглар узу өчен медицина учреждениеләренә китерү яңадан башланды.

2023 елда медицина учреждениеләренә авыл җирлегендә яшәүче 1 525 кеше китерелгән. Быел медицина учреждениеләренә профилактик медицина тикшерүләре һәм диспансерлаштыру үткәрү өчен 1 524 өлкән яшьтәге гражданны китерергә планлаштыралар.