Быел медицина учреждениесенә Буа районының 1 700 өлкән яшьтәге авыл кешесен китерергә планлаштыралар
уа районының «Гармония» халыкка социаль хезмәт күрсәтү комплекслы үзәге «Демография» милли проектының «Өлкән буын» проекты кысаларында авыл җирлегендә яшәүче 65 яшьтән өлкәнрәк гражданнарны диспансерлаштыру һәм профилактик медицина тикшерүләре, вакциналаштыру, планлы госпитализацияләү, диспансер күзәтүе һәм башка медицина ярдәме күрсәтү өчен район үзәк хастаханәсенә китерүне дәвам итә.
2024 елга 1 700 кешене китерү планлаштырыла. Мондый профилактик тикшерүләр сәламәтлекнең төрле патологияләрен иртә стадияләрдә ачыклый, бу актив озын гомерлелек чорын арттырырга ярдәм итә.
Чаралар «Гармония» халыкка социаль хезмәт күрсәтү комплекслы үзәгенең автотранспортында башкарыла. Җиткерү максатчан төркемнәрне фельдшер-акушерлык пунктындагы җыен урыныннан медицина учреждениеләренә илтүне һәм кире алып кайтуны күздә тота. Авыр хәрәкәтләнүчеләрне һәм коляскадагыларны өйләреннән үк барып алалар.