ЯҢАЛЫКЛАР
Зәй районының «Шатлык» халыкка социаль хезмәт күрсәтү комплекслы үзәге базасында яңа туган балаларга беренче кирәкле әйберләрне бушлай прокатка бирү буенча махсуслаштырылган пункт эшен дәвам итә. Бу инициатива «Гаилә» илкүләм проекты кысаларында гамәлгә ашырыла һәм яшь гаиләләргә ярдәм итүгә, шулай ук төбәктә демографик вәзгыятьне яхшыртуга юнәлдерелгән.
6 апрель көнне Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә Халыкара балалар китабы көненә багышланган чара узды. «Китап кыстыргычлары ясау» иҗади мастер-классы кысаларында катнашучылар китап укуның һәм китапларга сакчыл мөнәсәбәт мөһимлеге турында кызыклы фактлар белделәр.
Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр «Абилимпикс» һөнәри осталык чемпионатының төбәк этабында катнаштылар. Чемпионат инвалид һәм сәламәтлек мөмкинлекләре чикләнгән кешеләрнең нәтиҗәле һөнәри юнәлешен формалаштыруга, шулай ук аларның һөнәри белем алуга кызыксынуын арттыруга юнәлдерелгән.
Бүген Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә Бөтендөнья сәламәтлек көненә багышланган чара узды. Бу бәйрәм бөтен дөнья буйлап кешеләрне берләштерә, сәламәтлекне кайгыртуның мөһимлеген, үз организмыңа сакчыл карау кирәклеген аңлауның һәм актив яшәү рәвешен саклауның мөһимлеген искә төшерә.
Зәй районының «Шатлык» халыкка социаль хезмәт күрсәтү комплекслы үзәге базасында эшләүче көндезге тору бүлеге көнкүреш күнекмәләрен үзләштерергә генә түгел, ә социумга җайлашырга да ярдәм итә. Финанс белеменә өйрәтү әлеге процессның аерылгысыз өлеше булып тора.
7 апрель көнне Әлмәт районындагы «Опека» халыкка социаль хезмәт күрсәтү комплекслы үзәгенең Күп функцияле гаилә үзәге базасында хезмәткәрләр һәм социаль хезмәт алучылар өчен зарядка үткәрелде. Программага сәламәтлекне ныгытуга һәм уңай эмоциональ кәеф тудыруга юнәлдерелгән гомуми үстерү күнегүләре комплексы кертелгән иде.
7 апрельдә Яр Чаллы шәһәренең «Изгелек» инвалидларны тернәкләндерү үзәгендә Бөтендөнья сәламәтлек көне кысаларында спорт-сәламәтләндерү чарасы узды. Аның максаты физик культураны популярлаштыру һәм социаль хезмәтләр алучыларның актив ялын оештыру иде.
Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.
Үзәк ике дистә ел элек ачылды, ул күп гаиләләр өчен терәк, ә балалар өчен – талантлар ачыла, үз-үзенә ышаныч туа һәм яңа мөмкинлекләр барлыкка килә торган урын булды. 20 ел эчендә Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәге яхшы репутацияле учреждениегә әверелде – монда хезмәткәрләрнең профессиональлеге һәр тәрбияләнүче турында эчкерсез кайгырту белән бергә кушыла.
Менделеевск районының «Кама таңнары» балалар һәм яшүсмерләр социаль приюты коллективы һәм тәрбияләнүчеләре даими рәвештә волонтерларга челтәр үрүдә, чәй төрүдә, реторт-пакетлар өчен ингредиентлар әзерләүдә ярдәм итәләр.