ЯҢАЛЫКЛАР

Халыкара өлкәннәр көнен бәйрәм итү кысаларында Буа өлкәннәр һәм инвалидлар өчен интернат-йортында Буа муниципаль районы башлыгы Ранис Камартдинов, ТР Дәүләт Советы депутатлары Шакир Яһудин һәм Ринат Гайзатуллин булып кайттылар. Кунаклар өлкәннәрне котладылар һәм аларга ныклы сәламәтлек һәм озын гомер теләделәр.

Мамадыш районында «Кайгырту» халыкка социаль хезмәт күрсәтү комплекслы үзәге белгечләре бәйрәм уңаеннан «Игелек кәрзине» дигән акция оештырдылар.

Халыкара өлкәннәр көнен бәйрәм итү кысаларында ветераннарны аерым игътибар һәм кайгыртучанлык белән колачлыйлар. Әйтик, Балтач районында ел саен Татарстан Республикасы интернат-йортларында яшәүче өлкән яшьтәге гражданнарның хәлләрен белеп кайталар.

Әлмәт районы «Опека» халыкка социаль хезмәт күрсәтү комплекслы үзәгенең өйдә социаль хезмәтләр алучы 10 ялгыз пенсионер һәм инвалидка өлкәннәр декадасы кысаларында хәйрия ярдәме күрсәтелде.

Спас өлкәннәр һәм инвалидлар өчен интернат-йортында социаль хезмәт алучыларны Халыкара өлкәннәр көне белән котладылар. Бәйрәм концертын район Мәдәният йорты коллективы оештырды.

Декада көннәрендә Югары Ослан өлкәннәр һәм инвалидлар өчен интернат-йортына бик күп хәйриячеләр килә. Алар социаль хезмәт алучыларны игътибар белән генә түгел, күчтәнәчләр һәм бүләкләр белән дә сөендерә.

Быел «Старость в радость» хәйрия фонды «Дөньяны якты төсләрдә күрәм» проектын башлап җибәрде. Проектка беренчеләрдән булып Алабуга өлкәннәр һәм инвалидлар өчен интернат-йорт кертелгән.

Чараны «Постройка+» төзелеш журналы редакциясе оештырды, аның җитәкчесе – Марина Власова иде. Чараны оештыруда һәм үткәрүдә «Волонтер» үзәге һәм «Җиңел канатлар» урам театры булышлык күрсәтте.

5 сентябрь көнне Яшел Үзән районының «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә «Белем көне» уздырылды.

Менделеевскиның «Кама таңнары» балалар һәм яшүсмерләр өчен социаль приютында «Арена Добра» фонды вәкилләре булып китте.