«Астра» тернәкләндерү үзәгендә Балаларны яклау көне узды
Бәйрәм кунаклары шәһәр советы депутатлары Марс Зәкиев һәм Роман Есаулов, үзәкнең хәйрияче дуслары, «Роквул Волга» ҖЧҖ, «Татнефть» ААҖ, «Эссен Продакшн АГ» АҖ, «Шаркад» ҖЧҖ – «Такси супер» компанияләре вәкилләре булды.
«Татнефть» профсоюз һәм яшьләр оешмасы әгъзалары «Астра» мөмкинлекләре чикле балалар һәм яшүсмерләр өчен тернәкләндерү үзәгенә велосипед парковкасына сертификат бүләк иттеләр.
«Такси супер» хезмәткәрләре балалар өчен әкият персонажлары катнашында интерактив тамаша, машинада йөрү, мольбертларда рәсем ясау оештырды. Андрей һәм Регина Болдаревлар гаиләсе балаларны атларда йөртте.
Чара хезмәткәрләр, тәрбияләнүчеләр, иҗат коллективлары һәм «Татнефть» яшьләре катнашында матур концерт белән дәвам итте.
Бәйрәм Махсус Олимпиада программалары элементлары белән күңелле эстафета, «Детский мир» кибете һәм «ЭССЕН Продакшн АГ» АҖ бүләкләре белән тәмамланды.