ЯҢАЛЫКЛАР
26 гыйнварда Зәй районы «Шатлык» халыкка социаль хезмәт күрсәтү комплекслы үзәгенең социаль педагогы һәм психологы «Энергетик» мәдәният сараенда 2 нче урта гомуми белем бирү мәктәбе укучылары белән профилактик сәгать үткәрделәр. Дәреснең максаты – яшүсмернең шәхси куркынычсызлыгы проблемасын карау, «хокук бозу», «җинаять» төшенчәләре белән таныштыру.
19 гыйнварда Биектау районы «Өмет» халыкка социаль хезмәт күрсәтү комплекслы үзәге белгече Ямаширмә авылындагы 4 нче социаль участокта «Балигъ булмаганнарның хокуклары һәм бурычлары» дигән профилактик чара уздырган. Социаль куркыныч төркеменә керүче 16 балигъ булмаган бала катнашында чара 2019–2023 елларга Татарстан Республикасында террорчылыкны һәм экстремизмны профилактикалау программасы кысаларында оештырылган.
27 нче декабрьдә Мамадыш районы «Кайгырту» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре балигъ булмаганнар белән «Җинаять һәм яшүсмер» дигән төркемле дәрес уздырдылар. Чара Балачак унъеллыгы чаралары планын үтәү кысаларында оештырылды.
Хокук бозуларны профилактикалау – Менделеевск муниципаль районындагы «Кама таңнары» балалар һәм яшүсмерләр өчен социаль приюты педагогларының мөһим эш юнәлешләренең берсе. Учреждениедә төрле чаралар үткәрелә: әңгәмәләр, тренинглар, түгәрәк өстәлләр, фильмнар күрсәтү.
Балигъ булмаганнар арасында караучысызлыкны һәм хокук бозуларны профилактикалау эше кысаларында Түбән Каманың «Веста» гаиләгә һәм балаларга социаль ярдәм үзәге белгече Ольга Плаксина балалар һәм яшүсмерләр арасында «Хокукый белемнәр нигезе» курсыннан «Гаиләдә хокукый мөнәсәбәтләр» дигән төркемле чара уздырды.
Менделеевск районының «Кама таңнары» балалар һәм яшүсмерләр өчен социаль приютында балалар җәмгыятендә үз-үзеңә кул салу һәм мәрхәмәтсез мөгамәлә профилактикасы максатыннан даими рәвештә психологик белем бирү чаралары уза.
«2014–2025 елларга Татарстан Республикасында җәмәгать тәртибен тәэмин итү һәм җинаятьчелеккә каршы көрәш» дәүләт программасының «2019–2025 елларга Татарстан Республикасында балигъ булмаганнар арасында караучысызлыкны һәм хокук бозуларны профилактикалау» ярдәмче программасы кысаларында Түбән Каманың «Веста» гаиләгә һәм балаларга социаль ярдәм үзәге белгече Ләйсән Сунеева “Мин – кеше» социаль навигаторы – өстәл уенын сынап карый һәм гамәлгә кертә.
31 октябрьдә Лениногорск районы «Исток-Башлангыч» халыкка социаль хезмәт күсәтү комплекслы үзәгенең социаль эш буенча белгече Снежанна Горбунова мәчеткә экскурсия оештырды. Чара «Үзгәрешләр җиле» социаль технологиясен тормышка ашыру кысаларында уздырылды, ул балигъ булмаганнар арасында кабат хокук бозуларны һәм җинаятьләрне кисәтүгә юнәлдерелгән.
28 октябрьдә Казан шәһәренең халыкка социаль хезмәт күрсәтү комплекслы үзәгендә «2019-2025 елларга Татарстан Республикасында балигъ булмаганнар арасында караучысызлыкны һәм хокук бозуларны профилактикалау» ярдәмче программасы кысаларында тормышка ашырыла торган гаиләгә һәм балаларга социаль ярдәм бүлекчәсе психологларының «Мин – кеше» социаль навигаторын сынап карау һәм гамәлгә кертү мәсьәләләре буенча түгәрәк өстәл узды.
26 нчы октябрь көнне Зәй районы «Шатлык» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре ата- аналар җыелышында актив катнаштылар.