ЯҢАЛЫКЛАР

Бүген Минзәлә картлар һәм инвалидлар өчен интернат-йортында наркотикларга каршы айлык кысаларында белгечләр «Наркотикларсыз тормыш» дигән темага мәгълүмат сәгате уздырганнар.

Бүген Яр Чаллы шәһәренең «Изгелек» инвалидларны тернәкләндерү үзәге базасында Махсус Олимпиадага әзерлек кысаларында «Виктория» спорт мәктәбе вәкилләре белән көндезге бүлек очрашуы булды.

«Сәламәт булу – уңышлы булу!» яшүсмерләрдә сәламәт яшәү рәвешенә мотивация формалаштыру программасы кысаларында шушы көннәрдә Минзәлә халыкка социаль хезмәт күрсәтү комплекслы үзәгенең гаилә белән эшләү буенча белгече Наталия Кудряшова «Яшәү өчен белергә кирәк» дигән акция уздырды. Чара Халыкара наркотик чараларын явыз ният белән куллануга һәм аларның законсыз әйләнешенә каршы көрәш көненә багышланган.

14 июньдә Алексеевск районының «Кайгырту» балалар һәм яшүсмерләр өчен социаль приют тәрбиячесе Марина Анисимова мәктәп яшендәге балалар белән Бөтендөнья кан доноры көненә багышланган «Тормыш тамчысы» дигән танып-белү чарасы үткәрде.

Начар гадәтләрнең кеше сәламәтлегенә, бигрәк тә балалар организмына тискәре йогынты ясавы билгеле. Сәламәт яшәү рәвешен пропагандалау буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Марта Камалова «Игелек буыны» отряды волонтерлары белән балигъ булмаган балалар арасында спорт ярышлары уздырганнар.

6 июнь көнне Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен футбол буенча мастер-класс үткәрелде. Чара Махсус Олимпиада чараларына әзерлек кысаларында үткәрелде.

3 июнь көнне тәрбияче Марина Анисимова һәм Алексеевск районының «Кайгырту» балалар һәм яшүсмерләр өчен социаль приютында тәрбияләнүчеләр йөзү бассейнына бардылар. Чараның максаты: сәламәт яшәү рәвешен формалаштыру, балаларны физик культура һәм спорт белән даими шөгыльләнүгә җәлеп итү, сәламәтлекне ныгыту һәм төрле яклап физик үстерү.

Спас өлкәннәр һәм инвалидлар өчен интернат-йортының социаль хезмәт алучылары әңгәмә, викторинада катнаштылар, скандинавия йөреше белән шөгыльләнделәр. Саф һавада тематик аралашу сәламәт туклану һәм артык ризыктан баш тарту көне кысаларында оештырылды, ул 2 июньдә билгеләп үтелә.

Бүген Буа районы «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Светлана Шакирова «Без тәмәке тартуга каршы» дигән акция үткәрде. Чараның максаты – балигъ булмаганнарның игътибарын тәмәке тарту проблемасына җәлеп итү һәм сәламәт яшәү рәвешен пропагандалау.

Балалар сәламәтлеген ныгыту, күзәтүчәнлекне, зирәклекне, тапкырлыкны һәм җитезлекне үстерү максатыннан 31 майда Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Якупова спорт чарасы үткәрде. Анда мәктәп яшендәге балалар катнашты.