«Изгелек» футбол буенча мастер-класс оештырды

Бүген Яр Чаллы шәһәренең «Изгелек» инвалидларны тернәкләндерү үзәге базасында Махсус Олимпиадага әзерлек кысаларында көндезге бүлектә социаль хезмәт алучылар өчен футбол буенча мастер-класс узды.

Чара башында мускуллар һәм буыннар өчен җиңел разминка үткәрелде.

Аннан соң катнашучылар инструктор белән берлектә түгәрәккә бастылар, анда туп алып бару, борылышлар, тапшыру, тукталышлар, тупны тибү кебек төрле футбол алымнары күрсәтелде һәм эшкәртелде. Мастер-класс кешеләргә бик ошады: катнашучылар алган футбол күнекмәләреннән канәгать калдылар.

Аннары күңелле эстафета булды, анда үзәк карамагындагылар бик теләп катнаштылар.

Чара сәламәт яшәү рәвешен пропагандалауга һәм көчне, тизлекне, җитезлекне һәм координацияне үстерүгә юнәлдерелгән иде.