ЯҢАЛЫКЛАР

3 февральдә Бөгелмә шәһәрендә «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Хокукый белем иленә сәяхәт» дигән хокукый сәгать үткәргәннәр. Чараның максатлары – үсеп килүче буында хокукый үзаңны үстерү, хокукый культура һәм белемнәр формалаштыру.

Россия Федерациясе Хезмәт кодексының 112 нче статьясы нигезендә 8 март – Халыкара хатын-кызлар көне – эшләми торган бәйрәм көне булып санала.

Лаеш мөмкинлекләре чикле балалар һәм яшүсмерләр өчен тернәкләндерү үзәгендә Халыкара хатын-кызлар көненә багышланган музыкаль бәйрәм узды.

3 мартта Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова инвалидлар эшләре буенча Россия Федерациясе Президенты каршындагы комиссиянең инвалид яшьләрне социаль интеграцияләү мәсьәләләре буенча эшче төркем утырышында катнашты.

Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә мөмкинлекләре чикле яшьләрнең компьютер грамоталылыгын формалаштыру дәресләре өчен компьютер сыйныфында укулар дәвам итә. Чаралар «Границ.Нет» компьютер грамоталылыгы нигезләре мәктәбе» проекты кысаларында үткәрелә. Ул гражданлык җәмгыятен үстерүгә республика гранты акчаларына тормышка ашырыла.

Балалар ышаныч телефонын популярлаштыруга юнәлдерелгән республика реклама-мәгълүмати кампаниясен уздыру кысаларында Менделеевск муниципаль районында «Өмет яры» халыкка социаль хезмәт күрсәтү комплекслы үзәгендә «Ярдәм ресурсы буларак ышаныч телефоны» дигән акция уздырылган.

«Бердәм Россия» белән минем карьерам» федераль партия проекты кысаларында 1 мартта «Бердәм Россия» партиясенең Яшел Үзән җирле бүлекчәсе җәмәгать кабул итү бүлмәсе базасында Яшел Үзән шәһәре халыкны эш белән тәэмин итү үзәге директоры Светлана Гататдинова гражданнарны кабул итте.

Озак вакыт карау системасын булдыру проектын тормышка ашыру кысаларында Әлмәт районы «Опека» халыкка социаль хезмәт күрсәтү комплекслы үзәгендә социаль хезмәткәр Галина Лихачева 2021 елның июненнән көн саен пенсионер, тыл хезмәтчәне Мария Бабатованы карый.

Тәтеш өлкәннәр һәм инвалидлар өчен интернат-йортында аз хәрәкәтләнүче социаль хезмәт алучыларны психососиаль тернәкләндерү максатыннан гарденотерапия уңышлы кулланыла. Өлкәннәрнең хезмәт мөмкинлекләреннән файдалану буенча чаралар уздыру аларның танып белү функцияләрен сакларга һәм вак моториканы үстерергә ярдәм итә.

Махсус хәрби операциядә катнашучы хәрби хезмәткәрләргә ярдәм күрсәтү максатыннан, 3 мартта Яр Чаллының «Изгелек» инвалидларны тернәкләндерү үзәгеннән социаль хезмәт алучылар «бәйләм батальонына» кушылдылар.

Бөтен ил буенча мобилизацияләнгән кешеләргә оеклар, шарфлар, бияләйләр бәйлиләр. Бу эшкә «Изгелек» үзәгендә дә кушылырга булдылар. Бу эшнең терапевтик эффекты та бар – башкарылган эшнең мөһимлеген һәм кирәклеген тоеп эшләү тагын да күңеллерәк.

Әзер эшләнмәләр «Дарим тепло» волонтерлар төркеме аша сугышчыларга җибәреләчәк.