Яшүсмерләргә ярдәм ресурсы буларак балалар ышаныч телефоны

2023 елның 3 марты, җомга

Балалар ышаныч телефонын популярлаштыруга юнәлдерелгән республика реклама-мәгълүмати кампаниясен уздыру кысаларында Менделеевск муниципаль районында «Өмет яры» халыкка социаль хезмәт күрсәтү комплекслы үзәгендә «Ярдәм ресурсы буларак ышаныч телефоны» дигән акция уздырылган.

Гаиләгә һәм балаларга социаль ярдәм бүлекчәсе белгечләре балигъ булмаган балалар белән әңгәмә уздырды, ярдәм хезмәте турында сөйләде. Шулай ук чарада катнашучылар «Балалар куркуларын кабул итү пункты» видеоролигын карадылар, ярдәм сорап мөрәҗәгать итәргә мөмкин булган якынча мәсьәләләр турында фикер алыштылар.

Моннан тыш, акция кысаларында бүлек белгечләре тарафыннан шәһәр урамнарында ышаныч телефоны турында буклетлар һәм белешмәләр таратылды.