«Изгелек» үзәгендә социаль хезмәт алучылар «бәйләм батальонына» кушылдылар

2023 елның 3 марты, җомга

Махсус хәрби операциядә катнашучы хәрби хезмәткәрләргә ярдәм күрсәтү максатыннан, 3 мартта Яр Чаллының «Изгелек» инвалидларны тернәкләндерү үзәгеннән социаль хезмәт алучылар «бәйләм батальонына» кушылдылар.

Бөтен ил буенча мобилизацияләнгән кешеләргә оеклар, шарфлар, бияләйләр бәйлиләр. Бу эшкә «Изгелек» үзәгендә дә кушылырга булдылар. Бу эшнең терапевтик эффекты та бар – башкарылган эшнең мөһимлеген һәм кирәклеген тоеп эшләү тагын да күңеллерәк.

Әзер эшләнмәләр «Дарим тепло» волонтерлар төркеме аша сугышчыларга җибәреләчәк.