ЯҢАЛЫКЛАР

Әлмәт районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә балигъ булмаганнар арасында суицидны кисәтүгә һәм куркынычсыз тотыш күнекмәләрен формалаштыруга юнәлдерелгән чара узды.

6 мартта Лениногорск районы «Исток–Башлангыч» халыкка социаль хезмәт күрсәтү комплекслы үзәге социаль педагогы Светлана Мосолова Дәүләт автоинспекциясе белән берлектә «Юл хәрәкәтенең яшь инспекторлары отряды шәһәр сагында» акциясен үткәрде. Чара юл хәрәкәтенең яшь инспекторлары отрядлары оешуга 50 ел тулуга багышланган иде.

7 мартта Әлмәт районындагы «Опека» халыкка социаль хезмәт күрсәтү комплекслы үзәгенең өй бүлеге белгечләре, яшьләре һәм сәламәтлекләре аркасында үзләрен карый алмаган өлкән яшьтәге гражданнарны һәм инвалидларны ачыклау максатыннан, 80 яшьтән өлкәнрәк кешеләрне йөреп чыгу өчен мобиль бригада эшен оештырдылар.

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

Россия Федерациясе Хезмәт кодексының 112 нче статьясы нигезендә 8 март – Халыкара хатын-кызлар көне – эшләми торган бәйрәм көне булып санала.

Март аенда Минзәлә районы халыкка социаль хезмәт күрсәтү комплекслы үзәгенең социаль эш буенча белгечләре социаль хезмәткәрләр тарафыннан хезмәт күрсәтүнең сыйфатын тикшереп чыктылар.

«Ышаныч» халыкка социаль хезмәт күрсәтү комплекслы үзәге каршында эшләп килүче «Алабуганың көмеш волонтерлары» отряды активистлары «Ветераннар – Татарстан халыкларының милли мәдәниятләрен һәм гореф-гадәтләрен саклаучылар» республика халык иҗаты конкурсының муниципаль этабында катнашу өчен өйдә социаль хезмәтләр алучы өлкәннәрне җәлеп итү инициативасы белән чыктылар.

6 мартта Яр Чаллы шәһәренең «Изгелек» инвалидларны тернәкләндерү үзәгендә кулларның вак моторикасын үстерүгә юнәлдерелгән мастер-класс узды. Социаль хезмәт алучылар кәгазьдә чигәргә өйрәнделәр.

Мамадыш районы «Кайгырту» халыкка социаль хезмәт күрсәтү комплекслы үзәге каршындагы өйгә килеп социаль хезмәт күрсәтү бүлекчәсе социаль хезмәт алучысы Өммениса Һадиева үзенең 107 яшен билгеләп үтте.

Халыкара хатын-кызлар көне алдыннан, «Бердәм Россия» белән минем карьерам» проекты кысаларында Яшел Үзән шәһәренең халыкны эш белән тәэмин итү үзәге хатын-кызлар өчен вакантлы эш урыннары ярминкәсе уздырды. Алты эш бирүче төрле эш графигы һәм хезмәт хакы дәрәҗәсе 50 000 сумга кадәр булган вакансияләр тәкъдим иткән. Тәкъдим ителгән эш урыннары арасында табиб-терапевт, табиб-педиатр, табиб-невролог, фельдшер, кондитер, икмәк пешерүче, технолог, укладчик-упаковщик, лаборант һ. б. бар иде.