ЯҢАЛЫКЛАР

11 августта Әлмәтнең «Нефтьче» мәдәният йортында «Мәктәпкә җыенырга ярдәм ит» дигән республика хәйрия акциясе узды. Анда Әлмәт муниципаль районындагы «Опека» халыкка социаль хезмәт күрсәтү комплекслы үзәгенең социаль хезмәтләр алучылары арасыннан сигез бала катнашты.

Алабуга муниципаль районының «Ышаныч» халыкка социаль хезмәт күрсәтү комплекслы үзәгендә гаиләгә һәм балаларга социаль ярдәм бүлеге белгечләре 2 яшьтән 9 яшькә кадәрге аутизм спектры бозылулары һәм башка үсеш бозылулары булган балаларны тәрбияләүче гаиләләр белән эшләү буенча укулар узды. «9 адым» программасы «Обнаженные сердца» хәйрия фонды тарафыннан яраклаштырылган.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиаданың МАТР хәрәкәт активлыгына өйрәтү программасын тормышка ашыру кысаларында үзәк тәрбияләнүчеләре арасында волейбол буенча спорт ярышлары оештырылды.

Югары Ослан өлкәннәр һәм инвалидлар өчен интернат-йортында төсле җепләрдән обереглар ясау буенча мастер-класс узды.

15 август көнне Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре Ләйсән Хөсәенова һәм Фәния Гайнетдинова «Ярдәм кулы»технологиясе буенча чираттагы дәрес үткәрделәр.

Бүген Яр Чаллы шәһәренең «Изгелек» инвалидларны тернәкләндерү үзәгендә көндезге тору бүлегенең социаль хезмәтләр алучылары өчен Төзүчеләр көненә багышланган «Хыялдагы йортны төзибез» дигән чара үткәрелде.

Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгенең «Светлячок» инклюзив балалар театр студиясе «Көл кызы» театральләштерелгән тамашасы белән «Идел» инвалидларны тернәкләндерү үзәгендә булды.

14 августта Яр Чаллы шәһәренең «Изгелек» инвалидларны тернәкләндерү үзәге базасында социаль хезмәтләр алучылар өчен «Мин бу җиргә җырларда кайтырмын» музыкаль-иҗади кичәсе уздырылды. Чараны татар композиторы Рөстәм Яхин иҗатына багышладылар.

Август башында Минзәлә муниципаль районы халыкка социаль хезмәт күрсәтү комплекслы үзәге белгечләре көндезге тору төркеменә йөрүчеләрнең әти-әниләре белән берлектә «Калейдоскоп» программасы кысаларында шәһәр кафеларының берсендә бәйрәм оештырдылар. Чараның төп максаты җәмәгать урыннарында үз-үзеңне тоту кагыйдәләре турында белем формалаштыру иде.

Белоногов Арсений һәм Симакова Софиягә быел 14 яшь тулган, һәм алар беренче тапкыр җәйге каникуллар вакытында эшкә урнашырга булган. Аларның рәсми рәвештә эшли алуы турында балалар әти-әниләреннән белгән. Алар сыйныфташлары белән бергә Әлмәт шәһәренең мәшгульлек хезмәте оештырган вакансияләр ярминкәсендә булганнар.