ЯҢАЛЫКЛАР

Җәйге чор башлану белән Түбән Кама халыкны эш белән тәэмин итү үзәгендә консультация пунктлары эшләвен дәвам итә. Шәһәр һәм район халкының төп соравы җәйге каникуллар вакытында яшүсмерләр өчен вакытлыча эш эзләү белән бәйле.

Мини-футболны популярлаштыру һәм психик тайпылышлары булган гражданнар өчен билгеләнгән интернат-йортларда яшәүче социаль хезмәтләр алучылар арасында актив яшәү рәвешен пропагандалау максатыннан, ТР Хезмәт, халыкны эш белән тәэмин итү һәм социаль яклау министрлыгы июнь аенда мини-футбол буенча ачык турнир үткәрә.

Балаларны һәм яшьләрне патриотик тәрбияләүгә юнәлдерелгән чаралар кысаларында Яр Чаллы шәһәренең «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «ТР инклюзив спорт үзәге» АКБО белән берлектә «Яшь патриот» балалар спартакиадасы оештырылды. Чарада мәктәпкәчә яшьтәге балалар, шул исәптән шәһәрнең балалар учреждениеләренә йөрүче сәламәтлек мөмкинлекләре чикләнгән балалар катнашты.

Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә көндезге тору төркеме ачылды. Ул аутизм спектры бозылу һәм психик тайпылышлар булган 3 яшьтән 7 яшькә кадәрге балаларга исәпләнгән.

17 майда «Балигъ булмаганнарның иң яхшы җәмәгать тәрбиячесе–2024» конкурсының зона этабы узды. Конкурста Әлмәт, Азнакай, Баулы, Бөгелмә, Зәй, Лениногорск, Мөслим, Балык Бистәсе, Сарман, Чирмешән, Ютазы муниципаль районнарыннан 12 җәмәгать тәрбиячесе катнашты.

Яр Чаллы шәһәренең «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә балаларны юлда куркынычсыз тәртип кагыйдәләренә өйрәтү буенча чара узды. Ул пропаганда бүлеге вәкиле, шәһәр башкарма комитеты каршындагы җәмәгать тәртибен саклауны тәэмин итү идарәсенең юл хәрәкәте иминлеген оештыру буенча әйдәп баручы белгече Ләйсән Уйбекова белән берлектә оештырылды.

21 майда Лениногорск районында «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы балигъ булмаган социаль хезмәт алучылар белән «Үзебез һәм башкалар белән тату яшәргә өйрәнәбез» дигән темага дискуссия үткәрде. Чара балигъ булмаганнар арасында хокук бозуларны профилактикалауга, катлаулы ситуацияләрне тәнкыйди анализлау һәм үзең карар кабул итү күнекмәләрен формалаштыруга юнәлдерелгән.

Татарстан Республикасы Хезмәт, халыкны эш белән тәэмин итү һәм социаль яклау министрлыгы «ИнваПрофи» Бөтенроссия һөнәри казанышлар конкурсының республика этабын үткәрә. Конкурс инвалидлар һәм сәламәтлек мөмкинлекләре чикләнгән кешеләр өчен белем бирү, тернәкләндерү оешмаларының педагогик хезмәткәрләре арасында үткәрелә.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәге өйдә социаль хезмәт күрсәтү рәвешендә социаль хезмәтләр күрсәтү тәртибе һәм шартлары турында мәгълүмати-аңлату эшләре алып бару максатларында шәһәр учреждениеләре белән очрашулар үткәрүне дәвам итә.

Яр Чаллының «Ышаныч» халыкка социаль хезмәт күрсәтү комплекслы үзәгендә «СтолярКо» балта остаханәсе социаль проекты уңышлы тормышка ашырыла.