«Ышаныч» үзәге шәһәр учреждениеләрендә мәгълүмати очрашулар үткәрә
Яр Чаллы шәһәренең «Ышаныч» халыкка социаль хезмәт күрсәтү комплекслы үзәге өйдә социаль хезмәт күрсәтү рәвешендә социаль хезмәтләр күрсәтү тәртибе һәм шартлары турында мәгълүмати-аңлату эшләре алып бару максатларында шәһәр учреждениеләре белән очрашулар үткәрүне дәвам итә.
Чираттагы мәгълүмати очрашу 21 майда «КАМАЗ» ГАҖ двигательләр заводының хезмәт коллективы белән уздырылды. Тыңлаучыларга өйдә социаль хезмәт күрсәтү бүлеге эшчәнлеге, озак вакытлы карау системасы кысаларында күрсәтелә торган гарантияле социаль хезмәтләр турында сөйләделәр. Шулай ук Карау мәктәбе һәм Актив озын гомерлелек мәктәбе эшен яктырттылар. Социаль хезмәт күрсәтү үзәге белгече «Өлкән кешене тәрбиягә алган гаилә» проектын тормышка ашыру турында сөйләде.
Очрашуда катнашучылар «Ышаныч» үзәге эшчәнлеге турында мәгълүмати материал һәм буклетлар алдылар.