ЯҢАЛЫКЛАР

Ел саен «Кызыл канәфер» Бөтенроссия хәйрия акциясе уза. Акциянең максаты – Бөек Ватан сугышы ветераннарына медицина ярдәме күрсәтү өчен акча җыю.

Волонтерлык проекты ярдәмендә Казанның халыкка социаль хезмәт күрсәтү комплекслы үзәгенең көндезге тору бүлегендә фанераны лазер белән кисү станогы һәм 3D-принтер барлыкка килде.

Татарстан эш бирүчеләре тарафыннан «Россиядә эш» мәшгульлек һәм хезмәт мөнәсәбәтләре өлкәсендәге бердәм цифрлы платформада игълан ителгән вакансияләр саны 37 629 берәмлекне тәшкил итте. 

18 апрель көнне Лениногорск районының «Исток-Башлангыч» халыкка социаль хезмәт күрсәтү комплекслы үзәге социаль педагогы Марина Галимова 2 нче социаль участокта «Террорчылыкка юк дип әйтик» дигән чара үткәрде.

18 апрельдә Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлегендә социаль хезмәт алучылар, кулай эш эзләү максатыннан, «Россия эше» кадрлар үзәгендә Бөтенроссия эшкә урнашу ярминкәсендә булдылар.

Бүген Яшел Үзән районының «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәге «Россия эше. Мөмкинлекләр вакыты» бөтенроссия эшкә урнаштыру ярминкәсендә катнашты. Исегезгә төшерәбез, быел чара «Кадрлар» илкүләм проектын гамәлгә ашыру кысаларында уздырыла.

10 апрельдән 10 майга кадәр «Ветеранга кунакка» Бөтенроссия акциясе үткәрелә. Акциягә шулай ук Тукай районының «Шәфкать» халыкка социаль хезмәт күрсәтү комплекслы үзәге һәм Ветераннар (пенсионерлар) советы да кушылды.

Аксубай районының «Хыял» балалар һәм яшүсмерләр өчен социаль приютында балаларны патриотик тәрбияләүгә зур игътибар бирелә.

18 апрельдә Зәй районы «Шатлык» халыкка социаль хезмәт күрсәтү комплекслы үзәгенең көндезге тору бүлеге яшьләре туган якны өйрәнү музеенда булдылар. Анда шәһәр тарихын чагылдырган уникаль экспонатлар тәкъдим ителгән.

17 апрельдә Чистайда «Абилимпикс» төбәк чемпионаты кысаларында II Республика «Мөмкинлекләр фестивале» узды.