ЯҢАЛЫКЛАР
Чистайның «Юлдаш» өлкәннәр һәм инвалидлар интернат-йортында Роспотребнадзорның Татарстан Республикасы буенча идарәсенең Чистай, Спас, Алексеевск, Яңа Чишмә районнарындагы территориаль бүлегенең баш белгеч-эксперты Гөлнара Төхвәтуллина белән очрашу узды. Ул учреждение хезмәткәрләре белән «Социаль хезмәт күрсәтү оешмалары эшчәнлегенә санитар-эпидемиологик таләпләр» темасына семинар-киңәшмә уздырды.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
8 февральдә Яр Чаллы шәһәренең «Изгелек» инвалидларны тернәкләндерү үзәге хезмәткәрләре «Россия чаңгы юлы–2025» массакүләм чаңгы ярышында катнаштылар. Быел спорт чарасы Бөек Ватан сугышында Җиңүнең 80 еллыгына һәм Ватанны саклаучылар елына багышланган.
Узган ялларда Арча районында узган спорт чарасында төрле яшьтәге өлкәннәр һәм балалар катнашты. Мөмкинлекләре чикләнгән балалар һәм яшүсмерләр өчен «Өмет чаткысы» тернәкләндерү үзәгендә тәрбияләнүчеләр дә читтә калмады. Ярышларда җиде бала, биш хезмәткәр һәм җиде ата-ана катнашты.
Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәге директоры Галина Калашникова 1 февральдән 12 февральгә кадәр Татарстан Республикасында уза торган «Ак халатлы фәрештәләр» фестивалендә катнашты.
2024 елның декабреннән Зәй муниципаль районында гражданлык җәмгыятен үстерүгә Татарстан Республикасы Рәисе грантларын бирү конкурсында җиңү нәтиҗәсендә грант ярдәме алган «Бер сәгатькә ул» социаль проекты гамәлгә ашырыла. Проект «Шатлык» халыкка социаль хезмәт күрсәтү комплекслы үзәге хезмәткәрләре тарафыннан, Татарстан Республикасы Зәй муниципаль районының ветераннар (пенсионерлар) җирле иҗтимагый оешмасы белән берлектә әзерләнгән һәм гамәлгә ашырыла.
Чираттагы маскировка челтәрләрен үрү буенча мастер-класс Югары Ослан өлкәннәр һәм инвалидлар интернат-йортында үткәрелде. Хезмәт буенча инструктор Наталья Котова җитәкчелегендә һәркем зур энтузиазм белән эшкә кереште.
«Гаилә» илкүләм проектының «Өлкән буын» федераль проектын тормышка ашыру кысаларында Югары Ослан муниципаль районында 65 яшьтән өлкәнрәк кешеләрне медицина оешмаларына диспансерлаштыру һәм тиешле медицина тикшерүе узу өчен китерү эшләре алып барыла. Әлеге чараларның төп максаты – өлкән яшьтәге кешеләрнең гомер озынлыгын арттыру.
Тукай районындагы «Шәфкать» халыкка социаль хезмәт күрсәтү комплекслы үзәге базасында Карау мәктәбе дәресләре дәвам итә. Гыйнвар аенда аз хәрәкәтләнүче туганнарын караучы дүрт кеше укыды.
7 февральдә Алексеевск районының Балалар һәм яшүсмерләр өчен «Кайгырту» социаль приютында балалар катнашында юл-транспорт җәрәхәтләрен булдырмау максатыннан «Игътибар, юл!» акциясе узды. Аны приютта тәрбияләнүчеләр һәм тәрбияче Гөлшат Җаббарова оештырды.