ЯҢАЛЫКЛАР
Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәт алучылар Җиңүнең 80 еллыгына багышланган дәрестә катнаштылар. «Сугыш еллары җырлары» темасына чара яшь буынны әлеге музыкаль әсәрләрне иҗат итү тарихы белән таныштыруга юнәлдерелгән иде.
29 майда, Халыкара балаларны яклау көне алдыннан, Түбән Кама районының «Шәфкать» халыкка социаль хезмәт күрсәтү комплекслы үзәге белгечләре социаль хезмәт алучы балалар һәм яшүсмерләр өчен «Җәйгә каршы» бәйрәм чарасы оештырдылар.
31 май – Бөтендөнья тәмәке тартуга каршы көрәш көне. Наркотикларга каршы айлык кысаларында Биектау районындагы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре Гөлнара Фәйзиева һәм Алия Нигъмәтҗанова «Тәмәкеңне ташла – кәнфит ал» дигән акция уздырдылар. Аларга «Беренчеләр хәрәкәте» оешмасы яшьләре ярдәм итте.
Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә махсус хәрби операциядә катнашучы, гуманитар ярдәм координаторы, «Боевое братство» оешмасы әгъзасы катнашында чара узды. Сугышчы балаларга үзенең хезмәте, махсус хәрби операция бурычларын үтәгәндә күрсәткән батырлыклары өчен алган медальләре турында сөйләде.
Авыр тормыш хәлендә калган балаларга ярдәм фонды гранты акчасына гамәлгә ашырыла торган 2024–2025 елларга балалар иминлеген тәэмин итүнең төбәк системасын үстерү чаралары комплексын гамәлгә ашыру кысаларында Биектау районындагы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы Алия Нигъмәтҗанова социаль хезмәт алучылар белән «Минем гаиләмдә шатлык» темасына дәрес үткәрде.
Татарстан Республикасы Халыкны эш белән тәэмин итү үзәге махсус хәрби операциядә катнашучыларны беренче чиратта эшкә урнаштырырга әзер булган эш бирүчеләр реестрын алып бара.
Әлмәт шәһәренең «Ветеран» инвалидларны тернәкләндерү үзәгендә «Гаилә кыйммәтләре агачы» мини-тренингы узды. Чара гаилә кыйммәтләрен популярлаштыруга һәм аларның әһәмиятен ныгытуга юнәлдерелгән.
30 майда, Балаларны яклау көне алдыннан, Лениногорск районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы балигъ булмаган балалар өчен уен программасын үткәрде.
«Гаилә» илкүләм проектын, «Социаль туризм» социаль практикасын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлеге мөдире Лилия Ситдыйкова социаль хезмәт алучылар һәм аларның ата-аналары өчен М-8 теплоходында мавыктыргыч сәфәр оештырды.
«Кем булырга?» программасын гамәлгә ашыру кысаларында Аксубай районының «Хыял» балалар һәм яшүсмерләр социаль приютында тәрбияләнүчеләр өчен «AURUM» чәчтарашханәсенә экскурсия оештырылды, анда аларны чәчтараш-стилист Динә каршы алды. Ул чәчтарашханәдә үз-үзеңне тоту кагыйдәләре, үз һөнәре, чәчләрне карау кагыйдәләре турында сөйләде, кечкенә серләре белән уртаклашты.