ЯҢАЛЫКЛАР

25 июнь көнне Тәтеш өлкәннәр һәм инвалидлар өчен интернат-йортында социаль хезмәт алучылар чираттагы тапкыр уңышлы гына республика шахмат-шашка турнирында катнаштылар. 

28 июнь көнне «Наркотикларсыз тормыш» айлыгы кысаларында «Елмаю» клубында Зәй районы «Шатлык» халыкка социаль хезмәт күрсәтү комплекслы үзәгендә социаль хезмәт алучылар өчен «Без сәламәт яшәү рәвеше өчен» дигән чара үткәрелде. 

«Тарих битләре. Бөтенроссия сукырлар җәмгыятенең Татар оешмасына 100 ел» китабы дөнья күрде. Күрү буенча инвалидларның үзләре инициативасы буенча оештырылган оешма социаль яклау, эшкә урнашу, тернәкләндерү һәм күрмәүче кешеләрне интеграцияләү мәсьәләләрен лаеклы хәл итте һәм итә бара.

Кукмара районында «Тылсым» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе социаль хезмәткәрләре грант проектының «Күңел буяулары» арт-терапия технологиясен гамәлгә ашыруны дәвам итәләр. Технологиянең максаты – иҗат ярдәмендә өлкән кешенең тормыш белән кызыксынуын һәм аның уңай кәефен саклап калу.

25 июнь көнне Биектау районы «Өмет» халыкка социаль хезмәт күрсәтү комплекслы үзәге психологы Авыр тормыш хәлендә булган балаларга ярдәм фондының «Ата-ана булу бәхете» проекты кысаларында йөкле хатын-кызларга консультация үткәрде.

ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә террорчылыкны кисәтү буенча «Террорчылык – җәмгыятькә янау» дигән чара узды. Дәреснең максаты гадәттән тыш хәлләрдә үз-үзеңне тоту кагыйдәләрен өйрәнү, экстремаль шартларда дөрес карарлар кабул итү күнекмәләрен үстерү иде.

28 июньдә Арча өлкәннәр һәм инвалидлар өчен интернат-йортында Арча муниципаль районы прокуроры Фәнис Шәйхаттаров гражданнарны күчмә кабул итү үткәрде.

Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә тематик маҗаралар көне узды. Чара «FIT 5 – яхшы физик форма» Махсус Олимпиада программасын тормышка ашыру кысаларында оештырылды.

Арчаның өлкәннәр һәм инвалидлар өчен интернат-йортында Сабантуй бәйрәме узды. Район мәдәният йортыннан артист-волонтерлар интернат-йорт хезмәткәрләре белән берлектә күңелле бәйрәм әзерләделәр.