Террорчылык – җәмгыятькә янау: «Шәфкать» үзәгендә профилактик чара узды

2021 елның 28 июне, дүшәмбе

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә террорчылыкны кисәтү буенча «Террорчылык – җәмгыятькә янау» дигән чара узды. Дәреснең максаты гадәттән тыш хәлләрдә үз-үзеңне тоту кагыйдәләрен өйрәнү, экстремаль шартларда дөрес карарлар кабул итү күнекмәләрен үстерү иде.

«Шартлаткыч җайланмаларга охшаган предметка тап булганда гамәлләр» видеофильмын караганнан соң, тәрбияләнүчеләр мондый гадәттән тыш хәл очрагында үз-үзеңне тоту тәртибен анализладылар. Шулай ук чарада катнашучылар дәрес темасы буенча тест биремнәрен үтәделәр.

Дәрес ахырында балалар үзләрен кызыксындырган сорауларга җаваплар алдылар.