ЯҢАЛЫКЛАР
24 июнь көнне Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Без юлларда иминлек өчен» дигән танып-белү дәресе узды. Ул балалар арасында юл-транспорт имгәнүләрен профилактикалауга юнәлтелгән иде.
Шушы көннәрдә Мөслим картлар һәм инвалидлар өчен интернат-йортының карау буенча персоналы һәм медицина хезмәткәрләре район хастаханәсенең табиб-гериатры К. Р. Хәлиуллин белән очраштылар.
Кичә Лениногорск районы «Исток-Башлангыч» халыкка социаль хезмәт күрсәтү комплекслы үзәге белгечләре каникуллар вакытында балигъ булмаганнарның мәшгульлеген оештыру эше һәм «Шәхеснең үз-үзен оештыру чарасы буларак ишегалды уеннары» дигән технология кысаларында мавыктыргыч чара оештырдылар. 3 нче номерлы участокта, саф һавада, «Без сәламәт яшәү рәвеше өчен» дигән чара узды.
Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгында террорчылык һәм экстремизмга каршы тору буенча өйрәнүләр узды. Чарада ведомствоның барлык хезмәткәрләре, сак хезмәте катнашты.
Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә кинезиотерапия ысулы уңышлы кулланыла. Ул билгеле бер хәрәкәт күнегүләре аша акыл сәләтен һәм физик сәламәтлекне үстерүне күздә тота.
Балтач районы «Наз» халыкка социаль хезмәт күрсәтү комплекслы үзәгендә 24 июнь көнне Өлкәннәр һәм инвалидларны карау мәктәбендә төркемле дәрес узды.
«Физик активлык аша акыл эшчәнлеген яхшырту» технологиясен тормышка ашыру кысаларында Лениногорск районы «Исток-Башлангыч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе шәфкать туташы Альбина Дәүләтшина кулларның вак моторикасын торгызуга юнәлдерелгән дәрес үткәрде.
2021 елның 1 июленнән дәүләт контроленең (күзәтчелегенең) аеруча киң таралган төрләре өчен федераль дәүләт контроле (күзәтчелеге) органнары карарларына судка кадәр шикаять бирү процедурасы ачык булачак.
Бүген Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә Сабантуй бәйрәме узды. Ул Татарстанда игълан ителгән Туган телләр һәм халыклар бердәмлеге елына багышланган иде.
Авыр тормыш хәлендә булган балаларга ярдәм итү фондының «Ата-ана булу бәхете» проекты буенча эш тәҗрибәсен тарату кысаларында Биектау районының «Өмет» халыкка социаль хезмәт күрсәтү комплекслы үзәге бастыруга «Яңа туган балалардан баш тарту профилактикасы буенча нәтиҗәле практикалар» дигән җыентык әзерләгән.