ЯҢАЛЫКЛАР
«Гармония» халыкка социаль хезмәт күрсәтү комплекслы үзәге социаль педагоглары Буа ветеринария техникумы студентлары белән чираттагы чара уздырдылар. Очрашу Халыкара чукраклар көненә багышланган иде.
1995 елдан башлап 24 сентябрь Татарстан профсоюзлары тарафыннан Татарстан Республикасының профсоюз активисты көне буларак билгеләп үтелгән. 2010 елда бәйрәм рәсмигә әйләнә, ә 24 сентябрь Татарстан Республикасы профсоюзлары көне дип игълан ителә.
Габдулла Тукай исемендәге Арча педагогика көллияте базасында мөмкинлекләре чикләнгән кешеләр һәм инвалидлар арасында һөнәри осталык буенча «Абилимпикс» VII Милли чемпионатының төбәк этабы ярышлары узды.
27 сентябрь көнне 19.00 сәгатьтә «Әкият» балалар үзәгенең концерт залында «Э-моция» Иҗади инклюзив студиясенең «Диалоги» инклюзив спектакле күрсәтеләчәк.
22 сентябрь көнне «Крылья Советов» һәм «Горки-Әмәт урманы» шәһәр парклары территориясендә Казан шәһәренең халыкны эш белән тәэмин итү үзәге тарафыннан оештырылган вакантлы эш урыннары ярминкәләре узды.
Бүген Лениногорск шәһәре халыкны эш белән тәэмин итү үзәге эшсезләр һәм эш эзләүче гражданнар, шулай ук пенсия алды яшендәге затлар өчен вакантлы эш урыннары ярминкәсе үткәрде.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
22 сентябрьдә Казан сәүдә-икътисад техникумы базасында мөмкинлекләре чикләнгән кешеләр өчен «Абилимпикс» VII Милли чемпионатының төбәк этабын ачу тантанасы узды. Ярышлар 75 компетенция буенча уза, катнашучыларның яше – 14 яшьтән 65 яшькә кадәр.
«Бәхетле аналык чоры» технологиясен гамәлгә ашыру кысаларында 22 сентябрьдә Тукай район үзәк хастаханәсе базасында «Йөкле хатын-кызлар өчен арт-терапия» дигән гамәли дәрес узды. Аны «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Ләйсән Насыйрова үткәрде.
Гриппка каршы прививка өлкән яшьтәге кешеләр өчен бик мөһим, чөнки грипп алар тарафыннан авыр кичерелә, ә еш кына хроник авыруларны да «уята». Югары Ослан өлкәннәр һәм инвалидлар өчен интернат-йорты белгечләре фикеренчә, нәкъ менә шуңа күрә вакытында вакциналаштыру авыр нәтиҗәләрдән сакланырга гына түгел, ә кешенең гомерен саклап калырга да сәләтле.