ЯҢАЛЫКЛАР

11 октябрьдә ТР Хезмәт, халыкны эш белән тәэмин итү һәм социаль яклау министрлыгы, «Вкус жизни» редакциясе, ТР Инвалидларының төбәк иҗтимагый «Спорт хәрәкәте» оешмасы ярдәме белән Яр Чаллы шәһәренең «Изгелек» инвалидларны тернәкләндерү үзәгендә шашка һәм дартс буенча ярышлар узды. Чара «Үз-үземә ышанам» проекты кысаларында оештырылды.

Наркоманияне кисәтү һәм сәламәт яшәү рәвешен формалаштыру эше кысаларында 13 октябрьдә Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Туган кешеләр» клубында «Тормыш тәме» дигән дәрес үткәрде. Гаиләдә микроклиматны яхшыртуга юнәлдерелгән чарада алты социаль хезмәт алучы хатын-кыз катнашты.

2022 елның 1 гыйнварыннан башлап республиканың медицина оешмалары пациентларның төп категориясенә вакытлыча эшкә сәләтсезлекне раслаучы документ формасын сайлау хокукыннан башка гына бары тик электрон хезмәткә яраксызлык кәгазьләре генә бирәчәк.

2021 нче елның 6 нчы октябреннән 13 нче октябренә кадәр Түбән Кама «Милосердие» халыкка социаль хезмәт күрсәтү комплекслы үзәге базасында «Демография» милли проектын тормышка ашыру һәм законнар өлкәсендә социаль хезмәткәрләрнең белемнәрен чираттан тыш тикшерү үткәрелгән.

8 октябрьдә Әлмәт шәһәренең «Россия эше» кадрлар үзәгендә КФҮнең Әлмәт филиалы хезмәткәрләре булдылар.

Соңгы мәгълүматларга караганда, Яр Чаллыда рәсми рәвештә теркәлгән 1 313 эшсез граждан исәпләнә, бу узган хисап датасына караганда 19 кешегә кимрәк.

2021 елның 13 октябренә республиканың мәшгульлек үзәкләрендә рәсми рәвештә теркәлгән 15 523 эшсез граждан исәпләнә, бу узган хисап датасына караганда 555 кешегә кимрәк. Татарстанда эшсезлек дәрәҗәсе эшче көчләр саныннан 0,77 % тәшкил итә.

11 октябрьдә Яр Чаллы шәһәренең «Изгелек» инвалидларны тернәкләндерү үзәге белгечләре Татарстан Республикасы инвалидларының төбәк иҗтимагый оешмасы «Спорт хәрәкәте» рәисе Әсхәт Галиев ярдәме белән шашка һәм дартс буенча ярышлар оештырдылар. Ярышлар «Үз-үземә ышанам» проекты кысаларында узды һәм Әтиләр көненә багышланган иде.

12 нче октябрьдә Буа районы «Гармония» халыкка социаль хезмәт күрсәтү комплекслы үзәге социаль педагоглары тарафыннан «Әкият терапиясе» технологиясе буенча социаль хезмәт алучылар белән чара уздырылган. Чараның максаты – дуслык мөнәсәбәтләрен тәрбияләү, балаларда позитив кәеф булдыру.

13 октябрьдә Халыкара ак кул таягы көне кысаларында Яр Чаллы шәһәренең «Изгелек» инвалидларны тернәкләндерү үзәге базасында Сукырлар җәмгыятенең «Нежность» ансамбле концерты узды. Чара җәмәгатьчелек игътибарын сукырлар һәм начар күрүчеләр проблемаларына җәлеп итүгә юнәлдерелгән иде.