ЯҢАЛЫКЛАР

Аксубай муниципаль районындагы «Хыял» балалар һәм яшүсмерләр өчен социаль приютында тәрбияләнүчеләр «Бергә тату гаилә» дигән балалар рәсеме конкурсында катнаштылар. Конкурс РФ Тикшерү комитетының ТР буенча Тикшерү идарәсе тарафыннан оештырылды.

2021 елның 26 ноябренә Татарстан Республикасы буенча барлыгы 7 839 гариза бирелгән. Укуга 6 045 татарстанлы кереште.

25 ноябрьдә «Гаилә сәламәтлеге – милләт сәламәтлеге» VI Бөтенроссия фәнни- гамәли конференциясе кысаларында «Ана булу изгелеге – 2021» Бөтенроссия конкурсы лауреатларын бүләкләү тантанасы узды.

Өйләргә чыгып, социаль хезмәт белгечләре өлкән кешегә (инвалидка) социаль хезмәтләр күрсәтү тәртибе һәм шартлары турында хәбәр итәчәкләр, аның социаль хезмәтләр күрсәтүгә индивидуаль ихтыяҗын билгеләячәкләр һәм социаль хезмәтләр ала башлауда ярдәм күрсәтәчәкләр.

26 нчы ноябрь көнне «Сугыш хатын-кыз йөзле түгел...» социаль-гуманитар проектын тормышка ашыру кысаларында Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече Ольга Бывальцева һәм Җиңү волонтерлары «Сезнең өчен, мәхәббәт һәм кайгыртучанлык белән» дигән акция уздырдылар. Чарада шулай ук социаль хезмәтләр алучы яшүсмерләр дә катнашты.

Социаль хезмәт алучыларның иҗади һәм интеллектуаль потенциалын үстерү, социаль адаптациясе өчен шартлар тудыру максатыннан Буа өлкәннәр һәм инвалидлар өчен интернат-йортында «Мәрхәмәтле йөрәкләр» дигән эчке волонтерлар отряды оештырылды. Хәрәкәт аның әгъзаларының иреклелеге, тигез хокуклылыгы нигезендә булдырылган һәм эшли.

25 нче ноябрь көнне Лениногорск районы «Исток-Башлангыч» халыкка социаль хезмәт күрсәтү комплекслы үзәге социаль хезмәткәрләре Федотовка авылында котлау акциясе үткәрделәр. Өйдә социаль хезмәт күрсәтү бүлегендә торучы тыл хезмәтчәннәрен, сугыш балаларын Әниләр көне белән котладылар.

Яшел Үзән шәһәренең халыкны эш белән тәэмин итү үзәгендә 24 нче ноябрь көнне үз эшләрен башларга теләүче эшсез гражданнарның бизнес-планнарын бәяләү буенча эксперт советының чираттагы утырышы булып узды.

Буаның «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы «Нәфрәт һәм ксенофобия безгә юлдаш түгел» дип исемләнгән бөтенроссия оператив-профилактик чара кысаларында төркемле чара уздырды.

Татарстан Республикасы территориясендә эшчәнлек алып баручы эш бирүчеләргә методик ярдәм күрсәтү максатларында ТР Хезмәт, халыкны эш белән тәэмин итү һәм социаль яклау министрлыгы тарафыннан 2022 елга җитештерү (производство) календаре әзерләнде.