ЯҢАЛЫКЛАР

Яшьләрне патриотик тәрбияләү максатыннан 12 декабрьдә Казанның «Апрель» мөмкинлекләре чикле балалар һәм яшүсмерләр өчен тернәкләндерү үзәгендә открыткалар ясау буенча мастер-класс үткәрделәр.

Арча районының «Шәфкать үзәге» халыкка социаль хезмәт күрсәтү комплекслы үзәгендә көндезге тору бүлеге социаль хезмәт алучылары даими рәвештә «Финанс грамоталылыгы буенча онлайн-дәресләр» Бөтенроссия проектында катнашалар.

Россия Федерациясендә халыкны эш белән тәэмин итү турындагы законның 25 статьясындагы 3 өлеше буенча эшчеләргә ихтыяҗ, буш эш урыннары булу турында мәгълүмат эш бирүчеләр тарафыннан «Россиядә эш» дигән хезмәт мөнәсәбәтләре һәм мәшгульлек өлкәсендә бердәм цифрлы платформада урнаштырылырга тиеш. Мәгълүмат мәшгульлек хезмәте органнарына тапшырылырга тиеш.

12 декабрьдә Әлмәт муниципаль районында «Опека» халыкка социаль хезмәт күрсәтү комплекслы үзәге белгечләре өлкән яшьтәге гражданнарны һәм инвалидларны озак вакыт карау системасын гамәлгә ашыру кысаларында укыту дәресе үткәрделәр.

12 декабрьдә Лениногорск районында «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Лиана Габидулина 6 нчы номерлы социаль участокта балаларга карата көч куллануны һәм мәрхәмәтсез мөгамәләне профилактикалау буенча «Балагызның иминлеге» дигән мәгълүмати сәгать үткәрде.

Халыкара коррупциягә каршы көрәш көненә багышланган чаралар кысаларында Әлмәт муниципаль районының «Опека» халыкка социаль хезмәт күрсәтү комплекслы үзәгендә хезмәт коллективы белән җыелыш үткәрделәр. Чарада катнашучыларга коррупциягә каршы тору өлкәсендәге закон таләпләрен аңлаттылар.

Илнең төп күргәзмәсендә традицион бөтенроссия «Теләкләр чыршысы» акциясе уза. Министрлыклар һәм ведомстволар вәкилләре, сәясәтчеләр, төбәк башлыклары һәм башка танылган шәхесләр балаларның теләкләрен үтиләр. Акция 2018 елдан бирле ел саен Владимир Путин кушуы буенча үткәрелә.

4–8 декабрьдә Россия дәүләт юстиция университетының Казан филиалы базасында «Социаль өлкәдә юрист» программасы буенча квалификация күтәрү курслары узды.

1 декабрьдән 10 декабрьгә кадәр Минзәләнең өлкәннәр һәм инвалидлар өчен интернат-йортында белгечләр шәһәр учреждениеләре белән берлектә берничә чара үткәрделәр.

Бүген «Апрель» мөмкинлекләре чикле балалар һәм яшүсмерләр өчен тернәкләндерү үзәгендә «Мәхәббәтне сакла – яхшылык бүләк ит!» дип аталган чара узды. Бәйрәмне оештыручылар – Казанның тернәкләндерү үзәге белгечләре һәм Константиновка торак массивындагы мәдәният йортының яшь артистлары.