«Татнефтепроводстрой» АҖ вакансияләр турында мәгълүмат бирмәгән өчен штраф билгеләнде
Россия Федерациясендә халыкны эш белән тәэмин итү турындагы законның 25 статьясындагы 3 өлеше буенча эшчеләргә ихтыяҗ, буш эш урыннары булу турында мәгълүмат эш бирүчеләр тарафыннан «Россиядә эш» дигән хезмәт мөнәсәбәтләре һәм мәшгульлек өлкәсендә бердәм цифрлы платформада урнаштырылырга тиеш. Мәгълүмат мәшгульлек хезмәте органнарына тапшырылырга тиеш.
2023 елның октябрендә «Татнефтепроводстрой» АҖ мәшгульлек хезмәте органнарына буш эш урыннары һәм вакантлы вазыйфалар булуы турында мәгълүмат бирүне тәэмин итмәгән. 12 декабрьдә Казан шәһәренең Совет суд районы буенча 9 нчы суд участогы җәмәгать судьясы «Татнефтепроводстрой» АҖ РФ Административ хокук бозулар кодексының 19.7 маддәсендә каралган административ хокук бозуда гаепле дип танырга һәм 3 000 сум күләмендә штраф билгеләргә карар итте.