ЯҢАЛЫКЛАР

Россия Президенты Владимир Путин игълан иткән Гаилә елы кысаларында Чистайның «Юлдаш» өлкәннәр һәм инвалидлар өчен интернат-йортында сәламәтлек марафоны уздырды. Анда бөтен гаиләләр катнашты. Шулай ук «көмеш» волонтерлар җәлеп ителде.

Яр Чаллы шәһәренең «Нур» яшьләр үзәге базасында «Яр Чаллы шәһәренең тернәкләндерү үзәкләре шартларында социаль тернәкләндерү» дигән күчмә республика семинары узды, аны, башкарма комитет һәм социаль яклау идарәсе ярдәме белән, «Кояшкай» мөмкинлекләре чикле балалар һәм яшүсмерләр өчен тернәкләндерү үзәге «Изгелек» инвалидларны тернәкләндерү үзәге белән берлектә оештырды.

Кичә Теләче районының «Чишмә» халыкка социаль хезмәт күрсәтү комплекслы үзәге социаль педагогы Фәния Гайнетдинова «Ярдәм кулы» технологиясе буенча таныштыру дәресе үткәрде. Технологиянең максаты – инвалидларны социаль адаптацияләү һәм аларга психологик ярдәм итү.

29 февральдә Зәй районының «Шатлык» халыкка социаль хезмәт күрсәтү комплекслы үзәге базасында Татарстан Республикасы хезмәт, халыкны эш белән тәэмин итү һәм социаль яклау министры урынбасары Адель Мөбарәкшинның социаль яклау бүлегенең, Республика матди ярдәм (компенсацион түләүләр) үзәгенең 20 нче бүлекчәсенең, «Шатлык» үзәгенең, «Шатлык» социаль ярдәм үзәгенең, Зәй шәһәренең халыкны эш белән тәэмин итү үзәгенең хезмәт коллективлары белән эшлекле очрашуы узды.

28 февральдә Яр Чаллыда «Яр Чаллы шәһәрендә тернәкләндерү үзәкләре шартларында социаль тернәкләндерү» темасына семинар узды.

Алексеевск районындагы «Кайгырту» балалар һәм яшүсмерләр өчен социаль приютында тәрбияләнүчеләр «Чишмәкәй» экологик түгәрәгендә тәҗрибә-тикшеренү эшчәнлеге белән шөгыльләнәләр.

Чистайның «Юлдаш» өлкәннәр һәм инвалидлар өчен интернат-йортында яшәүчеләр өчен театральләштерелгән спектакль элементлары белән экскурсия оештырылды. Чара учреждениедә, кышкы бакчада узды. Интернат-йортта яшәүчеләр тәкъдим ителгән экспозиция белән таныштылар, татар язучысы, драматург һәм публицист Гаяз Исхакыйның туган һәм үскән Кутлушкино авылы тарихы турында белделәр.

Яр Чаллыдагы «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар өчен «Балта эше остаханәсе» социаль проектының чаралар планын тормышка ашыру кысаларында чираттагы дәрес узды.

Биектау районы «Өмет» халыкка социаль хезмәт күрсәтү комплекслы үзәгенең көндезге тору төркемендә социаль-көнкүреш адаптациясе дәресләренә зур игътибар бирелә. Шушы көннәрдә гаиләгә һәм балаларга социаль ярдәм бүлеге белгечләре мамык-марля бәйләвечләре тегү буенча мастер-класс үткәрделәр.

Стратегик инициативалар агентлыгы һәм МСП Корпорациясе яшьләр эшкуарлыгының «Создай НАШЕ» федераль конкурсы башлануы турында игълан итте. Анда 14–28 яшьлек яшьләр катнаша ала.