ЯҢАЛЫКЛАР
Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Гүзәл Минһаҗева социаль хезмәт алучылар белән «Туган кешеләр» клубы кысаларында «Тынычлыкта һәм гармониядә яшәү» дәресе үткәрде. Очрашу әйләнә-тирәдәге кешеләр белән үзара хезмәттәшлекнең конструктив ысулларын формалаштыруга һәм хис-кичерешләрне үзең көйләү ысулларына өйрәтүгә юнәлдерелгән иде.
Сарман районының «Шәфкать» халыкка социаль хезмәт күрсәтү комплекслы үзәгенең социаль-тернәкләндерү бүлегендә махсус хәрби операциядә катнашучыларның гаилә әгъзаларын тернәкләндерү эше дәвам итә.
Дистанцион алдауларны кисәтү максатыннан Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә шәһәр Эчке эшләр идарәсе матбугат хезмәте башлыгы Артур Муллин белән очрашу булды.
Буа өлкәннәр һәм инвалидлар интернат-йортының хезмәт буенча инструкторы Лилия Корбанова социаль хезмәт алучылар белән «Солдатка хатлар» акциясендә катнаштылар.
Югары Ослан районының «Өмет утравы» халыкка социаль хезмәт күрсәтү комплекслы үзәгендә балигъ булмаганнар арасында «Иҗат ит. Уйлап тап. Сынап кара» рәсем конкурсы үткәрелде. Уйлап табучы һәм рационализатор көненә багышланган конкурс Татарстан Республикасында Фәнни-технологик үсеш елы кысаларында оештырылды.
30 июль көнне Яр Чаллы шәһәренең «Изгелек» инвалидларны тернәкләндерү үзәгендә ата-аналар белән үзара хезмәттәшлек итү һәм кызыксындырган мәсьәләләр буенча фикер алышу максатыннан инвалид балаларның ата-аналары һәм законлы вәкилләре өчен ачык ишекләр көне үткәрелде.
Тукай районының Яңа Сарайлы авылы фельдшер-акушерлык пункты базасында «Карау мәктәбе» программасы буенча төркемле дәрес узды. Укуларны өлкәннәрне һәм үз-үзләренә хезмәт күрсәтү сәләтен югалткан гражданнарны караучы туганнар узды.
Алексеевск районындагы балалар һәм яшүсмерләр өчен «Кайгырту» социаль приютында Абый һәм апалар көне кысаларында Россиядә Гаилә елына багышланган танып-белү сәгате үткәрелде. Чара туганлык бәйләнешләрен ныгытуга һәм һәр кеше тормышында гаиләнең әһәмияте турында күзаллау булдыруга юнәлдерелгән.
Югары Ослан өлкәннәр һәм инвалидлар интернат-йортында «Иҗат шатлыгы» түгәрәгендә макраме техникасында үрергә өйрәнәләр.
Арчаның өлкәннәр һәм инвалидлар интернат-йортында Татарстан Республикасында иң күренекле вакыйгаларның берсе – Алабугада узачак Спас ярминкәсенә әзерлек дәвам итә.