«Изгелек» тернәкләндерү үзәгендә ачык ишекләр көне узды
30 июль көнне Яр Чаллы шәһәренең «Изгелек» инвалидларны тернәкләндерү үзәгендә ата-аналар белән үзара хезмәттәшлек итү һәм кызыксындырган мәсьәләләр буенча фикер алышу максатыннан инвалид балаларның ата-аналары һәм законлы вәкилләре өчен ачык ишекләр көне үткәрелде.
Бүлек мөдире «Менталь сәламәтлек» программасы кысаларында хезмәт күрсәтелә торган инвалид балаларның ата-аналарына киләчәктә социаль хезмәтләр алу мәсьәләсе буенча консультацияләр бирде.
Кунаклар өчен үзәк буйлап экскурсия уздырдылар һәм көндезге тору бүлегенең социаль хезмәт алучыларының ата-аналары оештырган пикникка чакырдылар. Бүлек белгечләре ата-аналар һәм аларның балалары өчен күңелле уеннар, викториналар оештырды. Шулай ук ата-аналар менталь тайпылышлы балаларны тәрбияләү проблемалары һәм үзенчәлекләре турында фикер алыштылар.
Чарада 17 кеше катнашты.
Ачык ишекләр көннәре Россиядә Гаилә елы кысаларында айның һәр соңгы сишәмбесендә үткәрелә.