ЯҢАЛЫКЛАР

Яшел Үзән районында аутизм спектры бозылулары һәм башка менталь тайпылышлары булган балалар өчен көндезге тору бүлеге ачылды. «Ышаныч» тернәкләндерү үзәгендә үсеш үзенчәлекләре булган нәниләр өчен яңа бина җиһазландырылган. Биредә балалар белән логопед, психолог, дефектолог һәм башка белгечләр эшли. Хәйриячеләр ярдәме белән алар өчен кабинетлар, сенсорлы үсеш бүлмәсе һәм уен бүлмәсе җиһазландырылган.

Азнакай районының «Өмет» халыкка социаль хезмәт күрсәтү комплекслы үзәгенең социаль-тернәкләндерү бүлегендә Россиядә Гаилә елына багышланган шахмат турниры узды. Турнирның максаты яшәү рәвеше һәм гаилә ялы буларак шахматны популярлаштыру иде.

Татарстан Республикасы Хезмәт, халыкны эш белән тәэмин итү һәм социаль яклау министрлыгы инвалидлар өчен эш урыннарын квоталау буенча мәҗбүри таләпләрне бозуның рөхсәт ителмәвен искә төшерә.

14 августта Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен «Киберкуркынычсызлык» интерактив викторинасы үткәрелде. Чараның максаты – мәгълүмати куркынычсызлыкны арттыру, киберкуркынычлар белән танышу.

Татарстан Республикасы эш бирүчеләре «Россиядә эш» хезмәт мөнәсәбәтләре һәм мәшгульлек өлкәсендә бердәм цифрлы платформасында 53 894 вакансия тәкъдим итә. 

14 август көнне Актаныш өлкәннәр һәм инвалидлар интернат-йортында Гаилә елы кысаларында «Туган як – Татарстан» дигән чара үткәрелде. Социаль хезмәтләр алучыларга уеннар, шулай ук рәсем ясау буенча бирем тәкъдим ителде.

19–23 августта Татарстанда «Иң яхшы химик анализ лаборанты» номинациясендә «Һөнәре буенча иң яхшы» Бөтенроссия һөнәри осталык конкурсының федераль этабы узачак. Бүген матбугат конференциясендә булачак вакыйгага бәйле мәсьәләләр турында фикер алыштылар.

Ютазы районында махсус хәрби операциядә катнашучылар өчен гуманитар ярдәм җыю буенча чираттагы «Үзебезнекеләрне ташламыйбыз» акциясе игълан ителде. Хәрби хезмәткәрләргә гуманитар ярдәм белән ике автомобиль җибәрделәр.

Россия Гадәттән тыш хәлләр министрлыгының Татарстан Республикасы буенча Баш идарәсенең күзәтчелек эшчәнлеге һәм профилактика эше идарәсенең Актаныш һәм Минзәлә районнары буенча районара күзәтчелек эшчәнлеге һәм профилактика эше бүлеге башлыгы Альберт Тимерханов Минзәләнең халыкка социаль хезмәт күрсәтү комплекслы үзәге хезмәткәрләре белән дәрес һәм эвакуация тренировкасы үткәрде.

Алексеевск районының «Кайгырту» балалар һәм яшүсмерләр өчен социаль приютында иртә һөнәри юнәлеш бирү дәресләре кысаларында Төзүчеләр көненә багышланган чара үткәрелде.