ЯҢАЛЫКЛАР
Бүген Казанның Вахитов районы эш белән тәэмин итү үзәге белгечләре чираттагы вакантлы эш урыннары ярминкәсе үткәргәннәр.
12 сентябрь көнне "Камаз" мәдәният сараенда гомумшәһәр вакансияләр ярминкәсе узачак. Ярминкәдә 20 оешма вәкиле катнаша.
Биектау районында "Мәктәпкә җыенырга ярдәм ит-2013" акциясе булып узган. Аз тәэмин ителгән, күп балалы һәм авыр тормыш хәлендә калган гаиләләрдә тәрбияләнүче 177 балага мәктәп букчалары һәм уку әсбаплары бүләк ителгән.
ТР урта һөнәри белем учреждениеләрендә квалификацияле кадрлар хәзерләү буенча максатчан программа нигезендә белем алу өчен абитуриентлар кабул итү кампаниясе дәвам итә. Аерым күрсәтелгән уку йортларына әлеге программа буенча укырга теләк белдереп, 500 дән артык абитуриенттан гариза кергән инде. Әлеге белгечлекләр буенча дәүләт заказы исә 375 урынны тәшкил итә.
Шәһәр көнен бәйрәм итәр алдыннан "Өмет яры" Менделеевск халыкны социаль тәэмин итү комплекслы үзәгенең өйдә социаль тәэмин итү бүлегендә Менделеевск шәһәре сурәтләнгән фотолар күргәзмәсе эшли башлаган.
"Яшь гаилә" клубы эшчәнлеге кысаларында Балтачның "Наз" халыкны эш белән тәэмин итү һәм социаль яклау министрлыгы психологлары ЗАГС бүлеге белән берлектә "Аерылышуларга юл юк" дип исемләнгән акция үткәргәннәр. Әлеге чараның максаты гаилә статусын күтәрү, яшь гаиләләр арасында аерылышу очракларын киметүдән гыйбарәт.
Лениногорскида урнашкан "Исток-Башлангыч" халыкны социаль тәэмин итү комплекслы үзәгендә Белем көненә багышланган чара узган. Бу көнне бәйрәмгә социаль куркыныч һәм авыр тормыш хәлендәге гаиләләрдә тәрбияләнүче балаларны дәшкәннәр.