ЯҢАЛЫКЛАР

Иртәгә Түбән Кама эш белән тәэмин итү үзәгендә инвалидларны эшле итүгә юнәлдерелгән түгәрәк өстәл булып узачак. Темасы: "Инвалидларны эшкә урнаштыруда ярдәм кулы сузу".

Бөгелмәдә урнашкан "Возрождение" мөмкинлекләре чикле балалар һәм яшүсмерләрне тернәкләндерү үзәгендә уен терапиясе ысулы аеруча актив рәвештә кулланыла.  Белгечләр сүзләренә караганда, бала уен барышыннан канәгатьләнү хисен кичерә, шул ук вакытта үз-үзеңә хезмәт күрсәтү, нормалар һәм үзеңне тоту кагыйдәләренә төшенә, яшьтәшләре белән аралаша. 

Кичә Лениногорск  “Исток- Башлангыч”  халыкны социаль тәэмин итү комплекслы үзәге белгечләре тарафыннан  ведомствоара семинар үткән. Темасы: " Халыкны социаль тәэмин итү комплекслы үзәкләре һәм авыл җирлекләренең гаиләдә социаль иминсезлекне кисәтү буенча хезмәттәшлеге" .

19 ноябрьдә Идел буе халыкны эш белән тәэмин итү үзәгендә вакантлы эш урыннары ярминкәсе узачак. 

18 ноябрьдән 20 ноябрьгә чаклы "Балаларга мәхәббәт белән" хәйрия программасы кысаларында Республика  "Гаилә" гаиләгә һәм балаларга социаль ярдәм мәгълүмати-методик үзәге җирлегендә "Балалар һәм ата-аналар арасында мөнәсәбәтләрне гармонияләштерү. Балалар белән рәхимсез кылануны киметү" темасы буенча 3 көн дәвамында укулар оештырыла.

Кичә Әлмәт халыкны эш белән тәэмин итү үзәгендә Ижевск шәһәренең "Оптима" ҖЧҖ белән берлектә Эш бирүче көне уздырылды. Чарада эш белән тәэмин итү үзәгендә исәптә торучы эшсез гражданнар, шулай ук теләге булган һәркем катнаша алган.

Яр Чаллының "Ышаныч" халыкны социаль тәэмин итү комплекслы  үзәгенең "Яшь күңелне картлык куркытмый" озак яшәү актив мәктәбе" дип исемләнгән социаль проекты "Иҗтимагый инициатива-2013" республика социаль проектлар конкурсының "Көмеш яшь" номинациясендә  җиңүче дип танылды. Конкурс комиссиясе карары нигезендә әлеге проектка 20 мең сум грант бирелде.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 2 нче ноябрьдән 8 нче ноябрьгә чаклы 1 авыр бәхетсезлек очрагы теркәлгән.

26 ноябрьдә Казанның "Гаврош" балалар һәм яшүсмерләр өчен социаль приютында "Яшүсмерләр эше буенча махсуслашкан учреждениеләр белән гаиләгә һәм балаларга социаль ярдәм үзәкләренең гаилә белән эшләүдә хезмәттәшлеге" темасына  түгәрәк өстәл узачак.

Түбән Кама халыкны эш белән тәэмин итү үзәге башка җирлеккә күченеп китүче эшсез кешеләр өчен  эшкә урнашу мөмкинлеге тудыра.