ЯҢАЛЫКЛАР

Кукмарада “Шәфкать” – “Милосердие”  мөмкинлекләре чикле  балалар һәм яшүсмерләр өчен тернәкләдерү үзәгендә чираттагы медицина киңәшмәсе булып узган.  Ул медицина һәм социаль тернәкләндерү бүлегенең узган айдагы эшчәнлеге һәм киләсе айга куелган бурычларга багышланган.

Кичә Алабуга мәдәният сараенда вакантлы эш урыннары шәһәр ярминкәсе үткән.  Ярминкәдә  ОАО "ПО ЕЛАЗ", ГАУЗ "ЕЦРБ", "ИНТЕРСКОЛ-Алабуга", "Джошкуноз Алабуга" һ.б. предприятие һәм оешмалар катнашкан.

25 нче февральдән алып 5 нче мартка чаклы Министрлык аппараты хезмәткәрләре Әтнә районы эш белән тәэмин итү үзәгенең  халыкны эш белән тәэмин итү буенча дәүләт гарантияләрен үтәү, инвалидларны эшсез сыйфатында теркәү буенча эшчәнлеген тикшерәчәкләр.

Иртәгә "Гаилә" республика гаиләгә һәм балаларга социаль ярдәм мәгълүмати-методик үзәгендә "МСТК эшчәнлеген оештыру" дигән эшлекле уеннар циклы башлана. Әлеге цикл муниципаль социаль тернәкләндерү консилиумы эшчәнлегенә багышлана.

Лаеш мөмкинлекләре чикле балалар һәм яшүсмерләр өчен тернәкләндерү үзәгендә  психолог һәм социаль педагог ата-аналар өчен үзенчәлекле дәрес үткәргән. Темасы: " Баланы аек акыл белән тәрбияләү".

Татарстан Республикасы Хезмәт, халыкны эш белән тәэмин итү hәм социаль яклау министрлыгында министр Айрат Шәфигуллин җитәкчелегендә социаль хезмәт мөнәсәбәтләрен җайга салу буенча республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Аның төп темасы оешмалар тарафыннан үтәлә торган мәҗбүри социаль, пенсия, медицина иминиятләштерүләре өчен түләүләр, хезмәт хакын вакытында түләмәү буенча финанс-икътисадый хәл һәм бурычларны каплау мәсьәләләре буларак яңгырады.

5 нче мартта Әлмәт эш белән тәэмин итү үзәге белгечләре хатын-кызлар өчен  вакантлы эш урыннары ярминкәсе уздырачаклар. Әлеге чарада  мәшгульлек үзәгендә исәптә торучы эшсез гражданнар катнаша.  Ярминкәгә шәһәрнең 10 предприятие һәм оешмасыннан вәкилләр чакырылган.