27 июньдә ТР Хезмәт, халыкны эш белән тәэмин итү һәм социаль яклау министры Эльмира Зарипова Питрәч районында эшлекле сәфәр белән булып кайтты. Эш көнен ул районның иҗтимагый оешмалары вәкилләре белән очрашудан башлап җибәрде.

Бүген Азнакайда предприятие яшьләре, лидерлары һәм мәктәп укучылары күчмә фестиваль оештырды. Әлеге чара “Сайларга вакыт!” профориентацион программасы кысаларында узды. Спорт һәм туризм базасында лагерь урнаштырылды. 

Яшел Үзәннең халыкны эш белән тәэмин итү үзәгенең мобиль һөнәри юнәлеш бирүче чаралар белән шәһәрдән читтә урнашкан ял итү лагерьларына чыгуны дәвам итә. Бүген мондый чара Җәлил исемендәге сәламәтләндерү лагеренда булып узды. 

“Наркотикларсыз тормыш” айлыгы кысаларында Минзәләнең “Умырзая” физик мөмкинлекләре чикләнгән балалар һәм яшүсмерләр өчен тернәкләндерү үзәгендә чара узды. 

Бүген Яр Чаллының "Солнышко" физик мөмкинлекләре чикләнгән балалар һәм яшүсмерләр өчен тернәкләндерү үзәгендә "Наркотикларга юк!" дип исемләнгән плакатлар ясау ярышы узды.

Бүген Чистайның “Юлдаш” өлкәннәр һәм инвалидлар өчен интернат-йортында тәрбия алучылар Биләрдә урнашкан изге урын – “Хуҗалар тавы”на сәяхәт кылдылар. Интернат-йортта тәрбия алучылар бирегә саф һава, тыныч, сихри, дөнья мәшәкатеннән читкә алып китеп, бары тын гына урман шаулавын, кошлар тавышын тыңлап, гүзәл табигатебез белән хозурланып, изге урында шифалы судан авыз итеп, тән һәм җан сихәте алырга килделәр.

Бүген Балтачның "Наз" халыкка социаль хезмәт күрсәтү үзәгендә "Чын күңелдән" дигән хәйрия чарасы узды. Бәйрәмдә барлыгы 174 бала катнашты.

Югары Осланның “Островок надежды” халыкка социаль хезмәт күрсәтү комплекслы үзәгендә хокук саклау характерындагы берничә чара узды. Шулар арасында масшаблы район акциясе, спорт ярышлары, рәсем бәйгеләре. Әлеге чаралар "Наркотиксыз тормыш" айлыгы кысаларында үткәрелде. 

Бүген Минзәлә районының “Тургай” балалар һәм яшүсмерләр өчен социаль приютында «Янгынга каршы балалар куркынычсызлыгы" дигән профилактик әңгәмә үткәрелде. Белгечләр балаларны гәдәттән тыш хәлләрдә үзләрен дөрес тотарга өйрәтте, утның кеше тормышында уңай һәм тискәре якларын билгеләп үтте.

Минзәләнең “Тургай” балалар һәм яшүсмерләр өчен социаль приютында тәрбия алучылар Ык елгасы буенда “Ловись рыбка, ловись!” дигән чарада катнаштылар.