ЯҢАЛЫКЛАР

2017 елның 5 августында “Социаль туризм” программасы буенча социаль - тернәкләндерү бүлекчәсендәге инвалидлар hәм пенсионерлар Чепьяда урнашкан “Халыклар дуслыгы” музеенда экскурсиядә булып кайттылар.

Кукмара "Шәфкать" мөмкинлекләре чикле балалар һәм яшүсмерләр өчен тернәкләндерү үзәгендә "Терроризм - хәзерге заман дөньясының глобаль проблемасы" дигән темага әңгәмә узды.

Кичә Әлмәт муниципаль районы башкарма комитетында инвалидларны эшкә урнаштыру буенча эшче төркем утырышы узды. Чара социаль мәсьәләләр буенча башкарма комитеты җитәкчесенең урынбасарының вазифаларын башкаручы Светлана Лаптева катнашында узды.

Статистик мәгълүматларга караганда, 2017 нчы елның 5 нче сентябрь көненә республиканың халыкын эш белән тәэмин итү үзәкләрендә 12 616 эшсез кеше теркәлгән. Бу узган атнага караганда 189 кешегә азрак. Шулай итеп, Татарстанда эшсезлек дәрәҗәсе 0,61% күрсәткечен тәшкил итте.

Соңгы мәгълүматларга килгәндә, Казан халыкны эш белән тәэмин итү үзәгендә рәсми рәвештә 4083 эшсез кеше теркәлгән. Бу үткән атна белән чагыштырганда 60 кешегә азрак.

Кичә, 5 сентябрьдә, Зәй халыкны эш белән тәэмин итү үзәге мобиль офисы "ЖБК Заводы" ҖЧҖенә консультация хезмәте күрсәтергә барды.

Агымдагы ел башыннан Түбән Кама халыкны эш белән тәэмин итү үзәгенә 193 инвалид мөрәҗәгать иткән, 59 кеше эш белән тәэмин ителгән. 10 инвалид һөнәри укытуларга юнәлтелгән.

2017 елның 7 сентябрь көнендә Чаллы мәшгульлек үзәге инвалидлар өчен вакантлы эш урыннары ярминкәсе үткәрәчәк.

Чистай психоневрологик интернаты карамагындагылар шушы көннәрдә "Әнәс" мәчетендә узган мөмкинлекләре чикләнгән кешеләр арасында армреслинг буенча ярышларда катнашты.

Республика көнен һәм ТАССРның 100 еллыгын бәйрәм итү кысаларында, Арчадагы “Өмет чаткысы” тернәкләндерү үзәгендә Татарстан шәһәрләре белән таныштыру буенча чара үткәрелде.