ЯҢАЛЫКЛАР

Яр Чаллының «Асылташ» балалар һәм яшүсмерләр өчен социаль приютында «Игелекле туганлык – иң яхшы байлык» социаль практикасын тормышка ашыру кысаларында «Мирас» ял көне клубы эшли. Аны булдыру максаты – күпмилләтле социомәдәни киңлектә тормышка яраклашкан, һәрьяклап үсеш алган, мөстәкыйль, толерантлы шәхес формалаштыруга ярдәм итү.

«Бала хокуклары турында конвенция белән танышу» дәресен Минзәлә районы халыкка социаль хезмәт күрсәтү комплекслы үзәге белгече кадет мәктәп-интернаты базасында үткәрде. Чара балигъ булмаганнарның хокукый грамоталылыгын, хокукый аңын һәм шәхси иминлеген үстерү буенча «Без сайлаган юллар» программасы кысаларында оештырылды.

Бүген Буаның өлкәннәр һәм инвалидлар өчен интернат-йортында П. Г. Шафранов исемендәге Зур Фролово гомуми белем бирү мәктәбе укучылары оештырган концерт узды.

Бүген Яр Чаллы шәһәрендә «Изгелек» инвалидларны тернәкләндерү үзәге базасында көндезге тору бүлегенең социаль хезмәтләр алучылары өчен шуу дисклары кулланып мастер-класс үткәрелде.

Минзәлә районы халыкка социаль хезмәт күрсәтү комплекслы үзәге белгече Ольга Бывальцева кадетлар мәктәп-интернаты базасында «Һөнәр дөньясы» дигән һөнәри юнәлеш бирүче уен үткәрде. Чара «Һөнәр сайлау матрицасы» эш программасын тормышка ашыру кысаларында оештырылды

Татарстан Республикасы Хезмәт, халыкны эш белән тәэмин итү һәм социаль яклау министрлыгы ТР Иҗтимагый палатасының Татарстан Республикасы иҗтимагый оешмалары һәм берләшмәләре эшчәнлегенә мониторинг үткәрүе турында хәбәр итә.

1 марттан 25 апрельгә кадәр инвалид балаларга һәм өлкәннәргә, шулай ук аларның гаиләләренә ярдәм итү өлкәсендә социаль юнәлешле коммерциячел булмаган оешмаларның иң яхшы практикалары «Меняем мир вместе» бөтенроссия конкурсының төбәк этабы уза.

Чит ил гражданнары «Татарстан Республикасында хезмәт мигрантларының социаль адаптациясенә һәм интеграциясенә комплекслы якын килүне тәэмин итү» проекты хезмәтләреннән бушлай файдалана ала. Проект «Яңа гасыр» АХКБО тарафыннан 2022 елда гражданлык җәмгыятен үстерүгә Татарстан Республикасы гранты акчасына гамәлгә ашырыла.

Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «Уйна, гармун» фольклор бәйрәме булып узды. Ул ТР Милли мәдәниятләр һәм гореф-гадәтләр елына багышланган иде.

Түбән Каманың «Веста» гаиләгә һәм балаларга социаль ярдәм үзәгенең социаль педагогы Екатерина Маланчева һәм социаль эш буенча белгече Ләйсән Сөниева чара уздырдылар. Анда сәламәтлек мөмкинлекләре чикләнгән балалары булган социаль хезмәт күрсәтүдә торучы гаиләләр катнашты. Очрашуның максаты – балалар һәм ата-аналар арасындагы мөнәсәбәтләрне ныгыту.