Минзәлә укучылары белән һөнәри юнәлеш бирүче дәрес үткәрделәр
Минзәлә районы халыкка социаль хезмәт күрсәтү комплекслы үзәге белгече Ольга Бывальцева кадетлар мәктәп-интернаты базасында «Һөнәр дөньясы» дигән һөнәри юнәлеш бирүче уен үткәрде. Чара «Һөнәр сайлау матрицасы» эш программасын тормышка ашыру кысаларында оештырылды. Чараның максаты – яшүсмерләрдә үз-үзеңне танып белү чикләрен киңәйтү һәм һөнәрләр дөньясы турында мәгълүмат алу аша һөнәр сайлауга җаваплы мөнәсәбәт формалаштыру.
Һөнәри юнәлеш бирү буенча дәресләр һөнәри юнәлеш формалаштыруга, һөнәри үзаңга ярдәм итүгә, киләчәк һөнәрне аңлы рәвештә сайларга әзерләнүгә ярдәм итә. Чарада балалар хәзер илдә һәм шәһәрдә нинди һөнәрләр кирәклеге турында фикер алыштылар, сорауларга җавап бирделәр, үз планнары белән уртаклаштылар.
Ахырда кадетлар Е. А. Климов методикасы буенча булачак һөнәр төрен билгеләү буенча тест уздылар.