ЯҢАЛЫКЛАР

Казан милли тикшеренү технология университетының Бөгелмә филиалының 3-4 курс студентлары «Бөгелмә электр насос заводы» ААҖнең җитештерү цехларында булдылар. Ала предприятие эше белән таныштылар.

14 мартта Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге директоры урынбасары Лилия Вәлиева «Күңел» радиосында Татарстан Республикасында гамәлгә ашырыла торган «Өлкән кешене тәрбиягә алган гаилә» проекты турында мәгълүмат белән чыгыш ясады.

Буа районының «Гармония» халыкка социаль хезмәт күрсәтү комплекслы үзәге «Демография» милли проектының «Өлкән буын» проекты кысаларында авыл җирлегендә яшәүче 65 яшьтән өлкәнрәк гражданнарны диспансерлаштыру, профилактик тикшерү, авыру буенча мөрәҗәгать итү өчен район үзәк хастаханәсенә илтүне дәвам итә.

Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә тәрбиячеләр Ольга Фролова һәм Елена Тарасова җитәкчелегендә «Шалкан» рус халык әкиятен куйдылар. Персонажларны ярымстационар төркемнәр тәрбияләнүчеләре уйнады.

Кичә Менделеевск районындагы «Кама таңнары» балалар һәм яшүсмерләр өчен социаль приютында «Эксперимент» түгәрәк эше кысаларында чираттагы дәрес узды. Балалар тәҗрибәләр лабораториясендә булдылар һәм кызыклы галим-тикшеренүчеләргә әверелделәр.

14 мартта Әлмәт районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә социаль эш буенча белгеч һәм психолог көндезге тору төркеме өчен «Язны көтеп» дәресе үткәрделәр.

Татарстан Республикасында гражданнарның аерым категорияләренә йорт хуҗалыгы участогы чикләре эчендә газ үткәрүгә һәм йорт эчендәге газ җиһазларын сатып алуга бер тапкыр бирелә торган субсидия бирү каралган.

«Бердәм Россия» белән минем карьерам» проектын тормышка ашыру кысаларында 14 мартта Түбән Кама шәһәренең халыкны эш белән тәэмин итү үзәгендә эш эзләүдә кыенлыклар кичерүче хатын-кызлар өчен «Эш эзләү остаханәсе» мастер-классы узды.

Резюме ярдәмендә эш бирүченең эш бирүче белән беренче танышуы уза. Дөрес төзелгән резюме – уңышлы эшкә урнашу мөмкинлеге. Эш эзләүнең бу әзерлек этабының мөһимлеген аңлап, Яр Чаллы шәһәренең «Россия эше» кадрлар үзәгендә 2021 елда «Дәгъвачының һөнәри өстенлекләренә басым ясап резюме төзү» сервисы эшләнде һәм гамәлгә кертелде.

10 мартта Татарстан Республикасы Хезмәт, халыкны эш белән тәэмин итү һәм социаль яклау министрлыгы каршындагы Иҗтимагый советның социаль хезмәт күрсәтү оешмалары тарафыннан хезмәт күрсәтү шартларының сыйфатына бәйсез бәя бирү буенча күчмә утырышы булды. Чара Дәрвишләр бистәсендәге психик тайпылышлары булган гражданнар өчен билгеләнгән балалар интернат-йортында узды.