ЯҢАЛЫКЛАР

Россия Федерациясе Хезмәт кодексының 112 нче статьясы нигезендә 9 май – Җиңү көне – эшләми торган бәйрәм көннәре булып санала.

Кукмара районында Инвалидлар хокуклары өчен көрәш көне кысаларында мөмкинлекләре чикле балалар һәм яшүсмерләр өчен «Шәфкать» тернәкләндерү үзәгендә тәрбияләнүчеләрнең ата-аналарына консультацияләр бирделәр. Социаль эш буенча белгеч чарада катнашучыларны РФ Конституциясе, Бала хокуклары турында конвенция белән таныштырды, сәламәтлек мөмкинлекләре чикләнгән кешеләрнең илнең барлык гражданнары белән тигез хокуклары барлыгы турында сөйләде.

Инвалидлар хокуклары өчен көрәш көненә багышланган чараларны оештыру кысаларында Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә «Безнең хокуклар һәм мөмкинлекләр» дигән әңгәмә уздырылды. Чарада инвалид балаларның әти-әниләре һәм аларның законлы вәкилләре катнашты.

Өлкәннәр белән сәламәт яшәү рәвешен популярлаштыру максатыннан Лениногорскның «Исток–Башлангыч» халыкка социаль хезмәт күрсәтү комплекслы үзәге белгечләре күңелле стартлар оештырды. Чара «Язгы игелек атнасы» акциясе һәм «Спортчы Татарстан» акциясе кысаларында уздырылды.

Бөек Ватан сугышында Җиңүнең 78 еллыгын бәйрәм итүгә багышланган чаралар кысаларында Буа районының «Гармония» халыкка социаль хезмәт күрсәтү комплекслы үзәге хезмәткәрләре «Хәтерлибез, горурланабыз!» акциясен үткәрде. Акциядә «Форпост» яшьләр хокук саклау хәрәкәте отряды волонтерлары катнашты.

Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә адаптив физик культура буенча инструктор Александра Пензина спорт бәйрәме оештырды. Чараның максаты – киң җәмәгатьчелек игътибарын сәламәтлек мөмкинлекләре чикләнгән кешеләрнең хокукларын яклау белән бәйле проблемаларга юнәлтү.

Ел саен Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә Яз һәм Хезмәт бәйрәменә багышланган хезмәт десанты оештырыла.

Шушы көннәрдә Менделеевск муниципаль районында «Кама таңнары» балалар һәм яшүсмерләр өчен социаль приютында тәрбияләнүчеләр өчен педагоглар Әфганстандагы сугыш хәрәкәтләре ветераны Рамил Дәүләтшин белән очрашу оештырдылар. Ул балаларның сорауларына бик киң һәм кызыклы итеп җавап бирде.

Бүген Буа өлкәннәр һәм инвалидлар өчен интернат-йортында Халыкара инвалидлар хокуклары өчен көрәш көненә багышланган чара узды.

4 майда Питрәч районының «Шатлык» балалар һәм яшүсмерләр өчен социаль приютында тәрбияләнүчеләр ветеринария клиникасына бардылар. Чара кысаларында балалар ветеринария табибы һөнәре белән таныштылар.