«Шатлык» приютында ветеринария клиникасына һөнәри юнәлеш бирү экскурсиясе оештырылды
4 майда Питрәч районының «Шатлык» балалар һәм яшүсмерләр өчен социаль приютында тәрбияләнүчеләр ветеринария клиникасына бардылар. Чара кысаларында балалар ветеринария табибы һөнәре белән таныштылар.
Балаларга хирургия һәм терапия кабинетлары күрсәтелде, хайваннарда нинди авырулар һәм проблемалар ешрак була, аларга ничек ярдәм итәләр һәм дәвалыйлар икәнен сөйләделәр. Бүген һәр гаиләдә диярлек йорт хайваннары бар, шуңа күрә ветеринария һөнәре актуаль. Приютта тәрбияләнүчеләр бу һөнәрне сайлаган кешенең нинди сыйфатларга ия булырга тиешлеген белделәр. Шулай ук балалар ветеринария академиясен тәмамлаганнан соң, төрле хайваннарны дәвалау өчен курсларда укуларын дәвам итәргә, ягъни билгеле бер категория хайваннар өчен тар белгеч булырга мөмкинлеген белделәр.