«Ышаныч» үзәгендә инвалидлар хокукларын яклау буенча белем бирү эше алып барыла
Инвалидлар хокуклары өчен көрәш көненә багышланган чараларны оештыру кысаларында Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә «Безнең хокуклар һәм мөмкинлекләр» дигән әңгәмә уздырылды. Чарада инвалид балаларның әти-әниләре һәм аларның законлы вәкилләре катнашты.
Очрашуның максаты – Россия Федерациясе Конституциясендә, Инвалидлар хокуклары турында конвенциядә язылган инвалидларның хокукларын өйрәнү. Сәламәтлек саклау, мәгариф, социаль ярдәм, инвалидларны эшкә урнаштыру белән бәйле статьяларга аерым игътибар бирелә.
Әңгәмәнең икенче өлешендә балаларның һәм аларның законлы вәкилләренең мәнфәгатьләрен исәпкә алып, аларның конкрет мисалларын һәм аларны хәл итү юлларын карадылар. Барлык катнашучылар да РФ Конституциясен белү төрле тормыш ситуацияләрендә инвалид балаларның хокукларын ышанычлы якларга мөмкинлек бирә дигән фикер белән килештеләр.