ЯҢАЛЫКЛАР

16 майда Казанның «Апрель» мөмкинлекләре чикле балалар һәм яшүсмерләр өчен тернәкләндерү үзәгендә төрле характердагы гадәттән тыш хәлләр килеп чыкканда, шул исәптән шартлаткыч җайланмага охшаган шикле предмет табылганда, хезмәткәрләрне, балаларны һәм ата-аналарны эвакуацияләү буенча өйрәнүләр уздырылды.

Кукмара районындагы «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә тәрбияче Фәйруза Габделәхәтова социаль хезмәтләр алучылар өчен террорчылыкка каршы юнәлештәге мультфильмнар карау оештырды.

Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә террорчылыкка каршы куркынычсызлык буенча «Уяу булыгыз!» дигән дәрес узды. Чараның максатлары гадәттән тыш хәлләрдә үз-үзеңне тоту кагыйдәләрен өйрәнү, экстремаль шартларда карар кабул итү күнекмәләрен үстерү иде.

17 апрельдә Чернышевка мәдәният йорты базасында Татарстан Республикасында террорчылык һәм экстремизмны профилактикалау программасы кысаларында балигъ булмаган хокук бозучылар өчен «Хокук бозулар өчен җаваплылык» дигән профилактик чара уздырылды. Чакырылганнар арасында Россия Эчке эшләр министрлыгының Биектау районы буенча балигъ булмаганнар эшләре буенча бүлекчәсе инспекторы А. А. Закиров та бар иде.

29 мартта Шәпши авылындагы 4 нче социаль участокта Биектау районының «Өмет» халыкка социаль хезмәт күрсәтү комплекслы үзәгенең социаль эш буенча белгече балалар һәм яшүсмерләр арасында толерантлыкны үстерүгә юнәлдерелгән ишегалды уеннары оештырды. Чара террорчылыкны һәм экстремизмны профилактикалау буенча республика максатчан программасы кысаларында уздырылды.

Яр Чаллының «Асылташ» балалар һәм яшүсмерләр өчен социаль приютында «Игелекле туганлык – иң яхшы байлык» социаль практикасын тормышка ашыру кысаларында «Мирас» ял көне клубы эшли. Аны булдыру максаты – күпмилләтле социомәдәни киңлектә тормышка яраклашкан, һәрьяклап үсеш алган, мөстәкыйль, толерантлы шәхес формалаштыруга ярдәм итү.

Чит ил гражданнары «Татарстан Республикасында хезмәт мигрантларының социаль адаптациясенә һәм интеграциясенә комплекслы якын килүне тәэмин итү» проекты хезмәтләреннән бушлай файдалана ала. Проект «Яңа гасыр» АХКБО тарафыннан 2022 елда гражданлык җәмгыятен үстерүгә Татарстан Республикасы гранты акчасына гамәлгә ашырыла.

Татарстанда Милли мәдәниятләр һәм гореф-гадәтләр елы кысаларында Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияче Инна Нурмиева «Узебезнең традицияләрне хөрмәт итәбез» дигән мәгълүмати-танып белү чарасы уздырды.

27 февральдә Шәпше авылындагы 4 нче социаль участокта Биектау районы «Өмет» комплекслы үзәгенең социаль эш буенча белгече коллективны берләштерү өчен дәрес үткәрде. Чара Татарстан Республикасында террорчылыкны һәм экстремизмны профилактикалау буенча максатчан программа кысаларында оештырылды.

Алабуга өлкәннәр һәм инвалидлар өчен интернат-йортында эвакуация узды. Өйрәнүләрнең максаты – җитәкче состав һәм персоналның шикле предметка тап булган очракта эвакуация вакытында үз-үзләрен тоту күнекмәләрен кабатлау.